Biermösl Blosn 's Diandl Liabn Lyrics

Und's Fruahjahr hot ogfanga, i gspür ein Verlanga.
Bin i naus in d'Woit zum Vögl zammfanga.
's Diandl des hot glacht, hot Spassetln gmacht:
"Kimmst aufs Kammerfensterl bei da Nacht?"
Bin i mit meim Verlanga zum Herrn Pfarrer ganga.
"Derf i, derf i, derf i 's Diandl liabn?"
"Na na", sogt er, "zerst werd ma traut",
und hot sei Köchin ganz verliabt ogschaut.
Bin i mit meim Verlanga zum Herrn Bischof ganga.
"Derf i, derf i, derf i, derf i 's Diandl liabn?"
"Na na", sogt er, "des waar a Schand",
und schaut auf seinen Lieblingsministrant.
Bin i mit meim Verlanga zum Pabst soiber ganga.
"Derf i, derf i, derf i,derf i, derf i, derf i, derf i, derf i...'s Diandl liabn?"
"Opus dei", sogt er drunt in Rom,
"Satan diabolus, Ritex Kondom."
Bin i mit meim Verlanga zu meim Herrgott ganga.
"Derf i, derf i, derf i 's Diandl liabn?"
"Ja freilich", sogt er und hot glacht,
"zwengs wos hob i de Buam und Diandl gmacht?
Joooooo Jajoooooooo
Laßts de do drunt no betn und heilig redn,
aus dera Kirch bin i scho lang austretn!"