ken een brok problemen in minnen hof
tes niet tes niet dat groeit
ken een brok problemen in minnen hof
nietepiete bloeit

'k zin begunnen met patatten
da was lik nog te doen
mor zwig moar van tomatn
da moet rood zin en nie groen

ken een brok problemen in minnen hof
tes niet tes niet dat groeit
ken een brok problemen in minnen hof
nietepiete bloeit

'k é geprobeerd met chicons
mo jongens da was dwoas
'k ete nu ol moanden
allene moar hesp en koas

ken een brok problemen in minnen hof
tes niet tes niet dat groeit
ken een brok problemen in minnen hof
nietepiete bloeit

'k é geprobeerd met caroten
nog niet zolange geleden
moar ze hebben mi bin min klotn
caroten groein naar benedn

ken een brok problemen in minnen hof
tes niet tes niet dat groeit
ken een brok problemen in minnen hof
nietepiete bloeit

ke geprobeerd met rozen
rozen rieken goed
min hof zit nu vol met stekkers
min twee handen vul met bloed

ken een brok problemen in minnen hof
tes niet tes niet dat groeit
ken een brok problemen in minnen hof
nietepiete bloeit

'k é ton geprobeerd met cannabis
da lukte met gemak
moar 'k had wel geen gramme meer over
achter 16 weken bak

'k heb een groot probleem in minnen hof
tes niet tes niet dat groeit
'k heb een groot probleem in minnen hof
nietepiete bloeit

'k had vier zetels in minnen hof
om te zitn tussen 't groen
zelfs de veugels komn niet meer of
wa moet ik doar nog zitn doen

ken een brok problemen in minnen hof
tes niet tes niet dat groeit
ken een brok problemen in minnen hof
nietepiete bloeit

'k heb nu een camion beton gezaaid
'k zin curieus of dat dat groeit

See also:
JustSomeLyrics
51
51.51
Reggae Again the machine 05-Know Your Enemy Lyrics
Merrimack Insemination Lyrics