Am Bickendorfer Büdche,
do käuf dä Jupp sing Brütche
beim Lisbeth en enem Tütche,
dat hät e lecker Schnütche.
Un ovends dann am Büdche
verzällt hä unsem Tütche
däm Lisbeth met däm Schnütche,
wie schön ihr Brütche wör.

Jeden Dach dräump dä Jupp
dovun, dat et hück flupp,
denn dä Jupp es zick Johre schon jeck
op dat Lisbeth.
Dat steiht, ov et ränt oder schneit,
en dem Büdche bei im op d'r Eck.
Jedesmol, wenn hä arbeide jeiht,
hät dä Jupp jet, wodrop hä sich freut.
Un dann stellt hä sich vür:
Och, wie schön dat doch wör,
köm dat Lisbeth hück ovend zo mir.

Refrain: Am Bickendorfer Büdche .....

Jede Naach dräump dä Jupp
vun ener Woosch un ner Zupp,
vun nem Julasch met öntlich jet dren.
Suurbrode vum Pääd
un vun Himmel un Äd,
denn hä kann bal kein Brütche mih sin.
Wenn dat Lis dann em Draum vür im steiht
hä im endlich de Wohrheit ens sät:
Ob met Kies oder Fesch
bess du he eijentlich
noch et leckerste Brütche für mich.

Refr.: Am Bickendorfer Büdche ...

Lalalalala

Am Bickendorfer Büdche

Am Bickendorfer Büdche
Do käuf dä Jupp sing Brütche

sing half verdrüschte Brütche ..

See also:
JustSomeLyrics
51
51.119
Roberto Carlos E Meu, E Meu, E Meu Lyrics
Sting Sting - Dessert Rose Lyrics