Hans Söllner Mei Vadda Lyrics

Seit a poor Wochn is er wia vaändat,
Seit a poor Wochn is er wieda jung,
Er floggt im Rasn hinter in der Sunna
Und sogt des Oarbeitn is mir vui z'dumm.
Er trogt bloss Jeans und de h___ wochsn eam ins Gnack
Er strohlt über's ganze Gsicht
Und de Kotlettn trogt er wia da Elvis Presley
I woas net, wos is mit mein Voddan passiert.
Sei Auto hot er a schon long neama gwoschn
Stot dem, mocht er jetzt Joga, jedn Dog um Oans,
Er hot an Ohrring und a Bhagwhan-Kettn,
Jo, und auf des is er so unhamlich stolz
Der Rasn derf neama gmaht wern,
Er braucht Wildnis, hat er zletzt an Nochboan gsogt
Und weil der bled dahergred hot, hot er sei Hosn obezogn
Und eam den nockatn Oarsch ummezoagt

Mei Papa, hot an Marihuana-Bam
Seit dem is der Typ, wieder ganz normal,
Mei Vadda, raucht jeden Tag, a Hond voll s___,
Und i, als braver Bua, i, rauch natürlich mit.

Geh weida Burli, hot er S'letztemoi gsogt zu mir
Hau di zuaba, do jetzt rauch ma uns gscheid ei,
Er hot an routn Libanesen übern Tisch ummegschobn
I hob ma denkt, doss I neamma da´Krei'.
Und wia er zua woar, wia a Nosn im Winta,
Hot er sei Zittan viara zarrt,
Er Hot An Wahnsinns-Sound Durch Reichenhall gjogd
Do hom sich Ohrwaschl im Dreieck draht
Er is a l___igs Bürschl woan, mei Vodda
Und a mei Grossmuadda raucht fleissig mit,
Des woar a Oarbeit, bis ma de soweit ghobt hom,
Oba' zum Schluss, hot Sie's doch kapiert.
Do wochsn jetzt in unserm Rasn, wo da Vodda oiwei lebt
Marihuana-Bam in Himml nauf
Und jeden Dog in der Fruah, siehgst as stehn, de Zwoa
Eingehüllt in blauen Rauch.

Mei Vodda, hot an Marihuana-Bam
Seit dem is der Typ, wieder völlig normal,
Mei Vadda, raucht jeden Tag, an eimervoll s___,
Und i, als braver Sohn, i rauch natürlich mit.