Infiša san u te, nemoj mi zamirit
još od mali nogu, rado san te viđa
mislija san vrime, sve će to prominit
ma ća manje želim, više mi se sviđaš

Parti san na skule, svit san tija vidit
ti si stala doma, i uz mater resla
mislija san na te, nemoj mi zamirit
dok me vitar kleja i samoca tresla

Jubavi, jubavi, vrag ti odni tilo
srica i nesrica, sve je tvoje dilo
Jubavi, jubavi, vrag ti odni kosti
ca si ucinila, od moje mladosti

Infiša san u te, nemoj mi zamirit
bila si mi draga, sad si mi još draža
evo san ariva, tija bi se smirit
prošle su me lune, skitnje i kuraža

Ali već s vapora, jemam ća i vidit
prošla si ka vitar, s diteton uz skute
osta san inkantan, jer te nesmin slidit
a još uvik ludo infiša san u te

Jubavi, jubavi, vrag ti odni sime
sve si mi uzela, ostavila brime
Jubavi, jubavi, vrag ti odni kosti
ca si ucinila, od moje mladosti

See also:
JustSomeLyrics
52
52.87
004 KABHI KABHI = MAIN PAL DO PAL KA Lyrics
los secretos Ojos de gata / Los Secretos & Miguel Ríos Lyrics