मायेच्या हळव्या स्पर्शाने खुलते,
नात्यांच्या बंधात धुंद मोहरते,
मायेच्या हळव्या स्पर्शाने फुलते,
नात्यांच्या बंधात धुंद मोहरते,

मन उधाण वाऱ्याचे, गूज पावसाचे,
का होते बेभान कसे गहिवरते

आकाशी स्वप्नांच्या हरपून भान शिरते,
हुरहूरत्या सांजेला कधी एकटेच झुरते
सावरते बावरते घडते अडखळते का पडते,
कधी आशेच्या हिंदोळ्यावर मन हे वेडे झुलते
मन तरंग होऊन पाण्यावरती फिरते
अन क्षणात फिरुनी आभाळाला भिडते

मन उधाण वाऱ्याचे गूज पावसाचे
का होते बेभान कसे गहिवरते
मन उधाण वाऱ्याचे गूज पावसाचे
का होते बेभान कसे गहिवरते
मन उधाण वाऱ्याचे

रुणझुणते गुणगुणते कधी गुंतते हरवते
कधी गहिऱ्या डोळ्यांच्या डोहात पार बुडते
तळमळते सारखे बापडे नकळत का भरकटते
कधी मोहाच्या चार क्षणांना मन हे वेडे भुलते
जाणते जरी हे पुन्हा पुन्हा का चुकते
भाबडे तरी भासांच्या मागून पळते

मन उधाण वाऱ्याचे गूज पावसाचे
का होते बेभान कसे गहिवरते
मन उधाण वाऱ्याचे गूज पावसाचे
का होते बेभान कसे गहिवरते
मन उधाण वाऱ्याचे

See also:
JustSomeLyrics
55
55.98
張韶涵 夢里花 Lyrics
Steve Miller Band Don't let nobody turn Lyrics