Noch tovt dor buten dat wille Wedder,
noch jocht de Storm gegen de Butendiek;
fallen vun de Bööm denn letzten Bläder,
duurt nich mehr lang, denn is Wiehnachtstied.

Noch süht man Kinner Laterneloopen,
noch hört man ehr Leeder - all vun wiet.
Bald ward dat weer still buten op de Straaten,
duurt nich mehr lang, denn is Wiehnachtstied.

Denn sitten wi weer in de Stuv tosaam.
So is dat bi uns immer ween.
Mit Schummertiedtee an de warme Oben
laaten wi uns dat good gahn.

Noch trecken Seenebel dör de Marschen,
verschleiern de Wischen mit Geisterhand.
Doch bald fallen Flocken ganz lies vun Heben,
denn ward dat Wiehnacht in't flache Land

Un immer weer töv ick vull Ungeduld;
Keen anner Tied is so in't Johr.
As stunn se still för een Ogenblick,
dormit wi uns all weer erholn,
vun allns, wat wi doon.

Bald streckt de Winter sien kohle Finger
ut na allns, wat he griepen kann.
Un lüchen de Sterns denn wie Ogen vun Kinner,
denn ward dat Wiehnacht in't flache Land

See also:
JustSomeLyrics
57
57.86
Cherish Do It To It (Feat Sean Paul Of YoungBloodz) - www.Jalibury.com Lyrics
Amebix Largactyl Lyrics