يا زمان الطائفية طائفية [فيّ] وطائفيك [فيك]
خلّي إيدك عالهوية شدّ عليها قدّ ما فيك
شوف الليرة ما احلاها بتقطع من هون لهونيك
يا زمان الطائفية كل واحد فاتح بوتيك
والله الأوضة بألف ليرة بشارع صبرا وبالكسليك
حامل ليرة بتسوى ليرة درزي بوذي أو كاتوليك ٤
يا زمان...

ليكو التاجر يا جماعة بكلّ ميلة عندو شريك
شوما دينك الله يعينك، بياخد منك ما بيعطيك
تعلّم منو العلمانية، نقدي والا بموجب شيك
يا زمان...

يا ساكن بالأشرفية أشرفية وأشرفيك
شو أخبارك كيف احوالك والله هيك عم فكّر فيك
الزودة ٥ الطلعت عندي وعندك لا بتكفيني ولا بتكفيك
يا زمان...

يا روّاد الأبجدية والشيمية والفيزيك
ياللي قطعتوا سبع بحورة سبقتوا كلومبس ع الأميريك
أو شلتوا اللون الأرجواني عملتوا قزاز عملتوا قناني
شو بدكن بإسم العائلة، بالأحرف، بالألفبيتيك؟
حلّوا عن إسمي وحروفه، حرفياً حرفية [فيّ] وفيك!
شو هالجرصة العالمية؟ يا رواد الأبجدية!
دينة پاتريك ياحي ٦ّ مع أحمد، دينة أحمد مع پاتريك
يا زمان...

يا عمي حاج رايحة معكم بالأونطة والتفليك ٧
عنّا هالأرزة، ع راسي، وغيرا شو عنّا يا شريك؟
في تفاحة ياماشالله، انشالله ما يضربها ألله
في عنّا بيض بقوارما، السَوْدة النية، والمعاليق
فينا نخلّص بكل لغة، فينا نزرزب بالإبريق...
أوف أوف وعنّا حجرة عليها سمكة
بعلبك، صور، بيت الديك [بيت الدين]
في عنّا سنسول مساقب فرجة كيف ماشي ترانزيت ٨
عنّا حرية أجلّك بلا زغرة ٩ الله يخلّيك
عنّا مواسم طائفية، بتغيب بترجع قويّة
يا زمان العلمانية ميتى أشوفك ميتافيزيك؟
يا زمان...

ميتى أشوفك أشوفك يا غايب عن عيني
قتلني الفرقة والله... ١٠

See also:
JustSomeLyrics
65
65.35
Zuzana Smatanova Prilis moje Lyrics
Stereophonics Live Lounge-Stereophonics - Nothing Compares To You Lyrics