Patent Ochsner Venus vo Bümpliz Lyrics

D' Venus vo Bümpliz geit dür d' Strass
liecht u flüchtig, wie nes Gas
so unerreichbar höch
bockstössigi Himbeerbuebe
schüüch u brav wie Schaf
schön fönfriesiert
chöme tubetänzig nöch
u d' Spargle wachse i bluetjung Morge
d' Sunne chunnt s' wird langsam warm
sie het meh als hundert Ching
u jede Früehlig git's es Nöis
het d' Chiuchefänschterouge-n-off
u macht se zue bi jedem Kuss
u we sie lachet wärde Bärge zu Schtoub
u jedes zäihe Läderhärz wird weich

d' Venus vo Bümpliz
isch schön win es Füür i dr Nacht
win e Rose im Schnee
we se gseh duss in Bümpliz
de schlat mir mys Härz hert i Hals
u i gseh win i ungergah

sie wohnt im ne Huus us Glas
hinger Türe ohni Schloss
gseht dür jedi Muur
dänkt wi nes Füürwärch
win e Zuckerstock
läbt win e Wasserfau
für sie git's nüt,wo's nid git
u aus wo's git, git's nid für ging
sie nimmt's wie's chunnt u laht's la gah

d' Venus vo Bümpliz
isch schön win es Füür i dr Nacht
win e Rose im Schnee
we se gseh duss in Bümpliz
de schlat mir mys Härz hert i Hals
u i gseh win i ungergah