Ez nau izutzen gaurik ilunenak,
ez nau beldurtzen erortzeak,
ez nau larritzen neguak,
itzulgabeko bideak

Jada ez nau ikaratzen ezerk,
bakardade bortitzenak
berriro ez nau itoko
maite dudana usteak, betiko!!

Jada ez nau izutzen zure azken laztanak,
jada ez nau beldurtzen nekatzeak,
jada ez nau larritzen azken arnasak,
eta orain betirako isiltzeak

Garenak ere geroan
bizirik iraunen baitu gugan,
ez naiz guztiz itzaliko,
edukiko nauzu beti zugan

Inoiz minak irensten bazaitu,
beti irriz oroitu nazazu
ez da hilko eusten nauen arrazoi bakarra
ez da hilko maitasuna

Haizearen soinuan,
izarretan,
biharko egunsentietan,
eta esn ezin diren gauza txikietan,
eta ahaztu ezin direnetan,
aurkituko nauzu.

Ez nau izutzen gaurik ilunenak
ez nau beldurtzen azken arnasak
Inoiz minak irensten bazaitu
beti irriz oroitu nazazu

Ez da hilko eusten nauen arrazoi bakarra
ez da hilko maitasuna
ez da hilko
ez da hilko

See also:
JustSomeLyrics
70
70.77
Usia 17 Shaden Lyrics
bajaga & instruktori 220 Lyrics