(t Keizerstraötje kreeg dae naam, umdet in 1804 Keizer Napoleon der door reej, um de massa volk te ontlaupe. Maar veur os is ut gewoen de Floddergats)

Wannier ik door det straötje gaon
Dan waer ik altied aangedaon
Dao d___ ik efkes waer ens truuk aan toen
Mien ierste vlam van zestien jaor
Deepblauwe auge golde haor
Zeen ik dan veur mich in ein visioen

Dan vroog ik um, waorum noow toch,
woord ik veur dich maar loch?
Det bröske det ik veur dich koch,
Och waas det neet deur genoch?

En wao se bleefs jao wae wet wao?
Ik waas zoee van de wap
Kiek op die kinderköpkes dao
Dao hebse mich op mien hert getrap

Getske van gelök, straötje van verdreet
Os leefdespaedje det vergaet ik
Van mien laeve neet
Wao ik van um heel, minnig minnig oor
Onder det lantaernke
Aan die alde kloestermoor

Same met zien twieje, in de maoneschien
Och kos ik toch nog einmaol,
Einmaol achttien zien

Getske van gelök, straötje van verdreet
Dae schoenen tied, vergaet ik neet

Och achteraaf d___ ik nog dök
Dao aan det getske van gelök
Wao ik dich kösde veur den ierste kier
Maar aevegood vergaet ik neet
Det somber straötje van verdreet
Wao's dich mich weite leets "ik gaon neet wier"
Die plek wao'k mien gezich begroof
In dien permanent
En die heerlijke loch opsnoof
Perfum van dertig cent

Maar auk die plaats van ut bitter ind
Ik wachde vergaefs op dich
Wae oeits toevallig ein traon dao vind
Weit dan die is van mich

Getske van gelök, straötje van verdreet
Os leefdespaedje det vergaet ik
Van mien laeve neet
Wao ik van um heel, minnig minnig oor
Onder det lantaernke
Aan die alde kloestermoor

Same met zien twieje, in de maoneschien
Och kos ik toch nog einmaol,
Einmaol achttien zien

Getske van gelök, straötje van verdreet
Dae schoenen tied, vergaet ik neet

See also:
JustSomeLyrics
70
70.107
Klaatu Hope Lyrics
Sleipnir Finde Deinen Weg Lyrics