LMF 乜野系戀愛 Lyrics

MC Lorry:
每個人都有佢地慨愛情故事
無人知故事點樣開始點樣終止
緣份要黎就黎無分系邊個時候
話走就走緣份已經到左盡頭
呢樣野唔系人人睇得甘通透
經常都會有好多盲目慨時候
有人為愛可以死心塌地付出一生
系咪值得就見仁見智你自己去諗
情同愛要做出黎並唔容易
口口聲聲話愛又領略唔到當中意思
情為何物連詩人讀甘多書都唔知
未曾體驗過箇中滋味點會知
系冥冥中注定抑或繫上天慨安排
呢個世界甘大都可以走埋一齊
總覺得生同死並唔系最遠慨距離
而系係你面前你又唔知道我愛你

初初一開始最中意日見夜見
發夢都會見面情話綿綿電話講唔完
發誓希望兩人熱戀直至永遠
無諗過愛情之後變感情慨局面
只系幾年慨感情已經無火花出現
再勉強係埋一齊只會令人討厭
想講分手開唔到口咪再優柔寡斷
溫個藉口解決左它一刀兩斷
暗戀相戀熱戀失戀感情好混亂
太多誘惑而家慨人好易移情別戀
婚外情一夜情佢地玩弄感情
三分鐘熱度之後忘記哂所有事情
其實只要對人唔系有太多慨要求
愛一個人根本唔需要有太多理由
只要真心真意對待已經好足夠
姑勿論系曾經擁有抑或天長地久