Dat Hätz vun der Welt jo dat is Kölle
Dat Hätz vun der Welt dat schlät am Rhing
Es och dr Himmel öfters jrau und at Sönnche schingk jet mau
doch die Kölsche han em Hätze Sonnesching

Eines Daach dr Herrjott saat
mein Jott Urlaub- dat wör´n Saach
röf Engel Jupp un Engel Franz un Engel Schäng
Ihr drei ihr fleecht ens flöck zor Äd
lot jot hin wat sich su deit
ich well wesse, wo de schönste Fleckcher sin

Doch benempt üch sät dä Här
ich weiß dat fällt üch manchmol schwer
Ich möch e schön Hotel met Meer un Sonnesching
Engel Schäng sät: Chef hür zo
Ich weiß wat läuf ich wor ald do
dä schönste Fleck op dinger Äd, dä litt am Rhing

Dat Hätz vun der Welt jo dat is Kölle
Dat Hätz vun der Welt dat schlät am Rhing
Es och dr Himmel öfters jrau und at Sönnche schingk jet mau
doch die Kölsche han em Hätze Sonnesching

Vier Woche sin die drei op Jöck
als eester kütt dr Jupp zoröck
liht sing Engelsflöjel hänge un verzällt:
Ich wor in Hongkong, USA, op Ibiza, Kanada
doch dä Dom, dä es dat Schönste op dr Welt

Dat Hätz vun der Welt jo dat is Kölle
Dat Hätz vun der Welt dat schlät am Rhing
Es och dr Himmel öfters jrau und at Sönnche schingk jet mau
doch die Kölsche han em Hätze Sonnesching

Engel Franz kütt anjeras
em Jeseech en rude Nas
lallt: Mein Jott wo simmer he , wo is mi Jlas?
Cuba Libre, Wiskey, Gin - Rum un Cognac un och Wing
doch et best is e lecker Kölsch vum Faß

Dat Hätz vun der Welt jo dat is Kölle
Dat Hätz vun der Welt dat schlät am Rhing
Es och dr Himmel öfters jrau und at Sönnche schingk jet mau
doch die Kölsche han em Hätze Sonnesching

Alles wadt op Engel Schäng
Wo bliev dat Kälche bloß esulang
Unsre Herrjott dä weed kribblich un nervös
Doch da kütt e Telejramm: Ich kündije - Engel Schäng
Ich bliev en Kölle - Stopp - ich hierode et Nies

Dat Hätz vun der Welt jo dat is Kölle
Dat Hätz vun der Welt dat schlät am Rhing
Es och dr Himmel öfters jrau und at Sönnche schingk jet mau
doch die Kölsche han em Hätze Sonnesching

See also:
JustSomeLyrics
8
8.87
Chuck Berry Let It Rock Lyrics
The Arcade Fire Neighborhood #3 (Power Out) Lyrics