't Hof Van Commerce Babylon Lyrics

babylon
De skrutinisoatie van de stafoatie van d'organisatie krannie ol espoatie ol est contemploatie van de rationalisoatie.
Reflectionisme in de statie groei realitaire elorcutie
superieur vergeven ip vlak van executie
Megalomanstische militie, babylonse dispositie
Zeg mie wie poliseert er de politie?
Wiene kanter droajn in een systeem da tegenwringt van olle kantn
gelik een vierkant blokske in een rond gat.
De metropol e skwunne, de goudene toorns blinkn
moa noemt nen stront nrooze, ie goat oltid blûvn stinkn.
Commercialisoatie is gin generalisoatie mor proboatie tot verwidern van de inquisitie.
De doctrine van imago regeert me stoaln vust
Resistentie es futiel want de vijand es in hûs me geskreevn invitoatie gecertificeerd
me nen foto van de keuning en geplastifiseerd
Moa de krabbel e vervalsd, de mensn zin beloogn
den ond es afgeskootn en de massa werd bedroogn.
Reproductie van vergoane zoakn ligt oan nboasis van stagnatie.
Let ip de visitatie , tgroei' van verlangn
anticipoatie van de situoatie e verwant oan zekere drang.

De curiositeit es de steroiede kwaliteit voor te stimuleren, de progressie propageren.
Moa de stront es platgetort,
n'aroma's werdn verspreid.
De naalde breekt in twee'n
De fundoaties werdn geleid.
Van sodom en gomorra vant dood en de verderf
Ja ie skud zin hwôfd bie beskouwn van zin ontwerpn
Tbereikn van nzee-enne zekere climax makt het laks
Bie gebrek aan ambiejeern, sur-plus oan molesteern
en enerveren, oltjid mor observeern, illustereren van frustreren
Overwegen van malaise.
De multitude moakt et oltjid moeilik met ulder attitude
vwôr de fortitude te hanteern,
te determineern woa dat ollemoale omme droait.
Belangeloze interactie dat is ter nooit.
En in de plekke van oljien moa in de boekskes te skrievn,zogezegde intellecten aan de bille te wrivn.
Pakt ne micro vaste, stapt ip tpodium
En probeer ne kjie de kunste van de break te bedrivn.

De woarheid es niets anders dan de woarheid gaje van mie nie hwôrn. Gelwôf mie vrij, kmoak u wijs wadak wille zwoajn.
Kbluf onverskillig oak nog moa nkjie uwen tid verspille.
Keizer Flip is er binnen getreejn vajesji stille.
Doe moa de boekn toe dikke nekke
Tes een genialiteit dakke ter plekke,
kmoake papier zwanger van m'n tekstn
oak et me min inkt bevlekke, k rekke en k rekke.
Kloat u lijdn lange deure totdak u utindelik
toch moa ter plekke nekke.
Zonder achter mie te kiekn goa kik geweun vorder noa m'n ûs. Kben nog moa juste binn' oa den telefoon goat,
kben nie thus, kwille nie gestwôrd werdn en plus
woarom oltjid 's oavonds of 's nuchtens ?
oak nog moar in mn bedde zitte
of oak juuste 5 minuutn pitte
achter nzwoare smwôrsessie in ien van ons 5 tempels
zeveren over vrouwn, beats en samples.
'k Teken nummero's lik stempels ip 'n dopkoarte
Hiphoppers wiln ndiele van de toarte.
Hoe zit da nu mee tstatuut van de muziekantn?
De markt van tlawoai, me levenhouders en oanverwantn
Rechte vwôr tministerie; 'k skachte autoradios en zjanten van ulder mercedessen ze zult geweetn en,
"oe en we zwô kunn' missn" goa de kreete zin.
Tzal wel zijn,
skupt de Frithop moa bûtn en oalt den hiphop moa binn

En in de plekke van oljien moa in de boekskes te skrievn,
zogezeigde intellect ons oan de bille te wrivn.
Pakt ne micro vaste, stapt ip tpodium
En probeer ne kjie de kunste van de break te bedrivn.

edit by CaLiS