Hai gaait over Zoltkamp noar Stad tou,
Mor lopt vief ketaaier in 't uur,
Hai is aibels voak eelsk en gramniedeg,
En het e 'n gobaai din ropt e 'vrij kuur',
Hai is 'n zunege Paiter,
En hai gaait as 'n bisschop tekeer,

Mor as Poaske en Pinkster op ain dag vaalt,
Din jeuken hom de koezen nait meer,
As Poaske en Pinkster op ain dag vaalt,
Din jeuken hom de koezen nait meer.

Bie gijhonger nemt e 'n zeupke,
Dat helpt volgens hom meer as 'n brug,
Bie toenhoaken heur ie hom stennen,
Want hai het loi Evert op rug,
Hai het niks op mit de bongels,
En 'n hantam dij geft e 'n fleer,

Mor as Poaske en Pinkster op ain dag vaalt,
Din jeuken hom de koezen nait meer,
As Poaske en Pinkster op ain dag vaalt,
Din jeuken hom de koezen nait meer.

Hai het achter de koezen 'n sloatje,
En hai kwakjet wel drij meter vot,
Zien zege dij ainuurt al joaren,
En hai het laiver 'n slij as 'n bot,
De wind dij waait krek noar zien noaber,
Ie roken 't al: din ringt e 'n beer

Mor as Poaske en Pinkster op ain dag vaalt,
Din jeuken hom de koezen nait meer,
As Poaske en Pinkster op ain dag vaalt,
Din jeuken hom de koezen nait meer.

Tou Hinnerk, hoal mie es de groupvaail,
Of d'onkruudzoag achter oet schuur,
Veur drij cent geern kiek-over-teunbaank,
Ja vrouger was 't lang nait zo duur,
Mit kip-kap-kogel goan we lopen,
Bie juffrouw Kikkerbil kom we nooit weer,

Mor as Poaske en Pinkster op ain dag vaalt,
Din jeuken heur de koezen nait meer,
As Poaske en Pinkster op ain dag vaalt,
Din jeuken heur de koezen nait meer.

See also:
JustSomeLyrics
8
8.90
Ten Years After Love Like A Man Lyrics
Monica Naranjo Fuego de Pasion Lyrics