Jedes Johr em Sommer jeit dat Spillche widder loss,
Met Sack un Pack noh Spanien weil et do jo nit vill koss.
Mer fleije dann mem Neckermann von Wahn noh Benidorm,
Do weede mer schön brung un sin su richtich jross in Form.

Nä Nä Marie is dat he schön,
övverall nur Kölsche Tön.
Nä he süht et wirklich us
wie bei uns zo Hus.
He fählt nur vum Balkon
die Aussicht op d'r Dom.

Am etzte Ovend weed direk e Barbeque jemaat,
et weed jegrillt, die Wööschjer hammer selver mitjebraat.
Mer drinken Cuba Libre un Sangria bis zum Schluß,
als echte Kölsche föhlt mer sich doch övverall zo Hus.

Nä Nä Marie is dat he schön,
övverall nur Kölsche Tön.
Nä he süht et wirklich us
wie bei uns zo Hus.
He fählt nur vum Balkon
die Aussicht op d'r Dom.

Am nächste Morje triff mer sich um zehn Uhr dann am Strand,
en Zeidung us d'r Heimat un et Radio im Sand.
Um zwöllef Uhr jitt et Mittach, im Hotel is wärm jekoch,
Äätzezupp mit Hämmche jit et einmol in d'r Woch.

Nä Nä Marie is dat he schön,
övverall nur Kölsche Tön.
Nä he süht et wirklich us
wie bei uns zo Hus.
He fählt nur vum Balkon
die Aussicht op d'r Dom.

Nohmeddachs öm drei do mache mir dann ehsch en Tour,
Met aachzich Mann em Bus un dat för paar Pesete nur.
Drei Stunde doosch de Stadt do kriehste wirklich vill ze sinn
Un eines dat es jetz schon klor he fleje m´r widder hin.

Nä Nä Marie is dat he schön,
övverall nur Kölsche Tön.
Nä he süht et wirklich us
wie bei uns zo Hus.
He fählt nur vum Balkon
die Aussicht op d'r Dom.

See also:
JustSomeLyrics
78
78.88
Katriina Hänninen Paha tuuli Lyrics
Sammy Hagar 3 in the Middle Lyrics