Mangione - Valente

Vaco truvanno na casciaforte!
E andivinate pe' ne fá che?
Non tengo t__oli,
non vivo 'e rendita,
non ci ho un vestito pe' cuollo a me!...

Ma 'a cascia mi necessita...
Pe' forza ll'aggi''a tené!

Ce aggi''a mettere tutt''e llettere
che mi ha scritto Rosina mia...
nu ritratto (formato visita)
d''a bonanema 'e zi' Sufia...
nu cierro 'e capille,
nu cuorno 'e curallo...
ed il becco del pappagallo
che noi perdemmo nel ventitré...

Pe-re-pe-re-pe-re-ppe-ré....

Sono ricordi che in cassaforte,
sulo llá dinto t''e ppuó' astipá...
Quando mi privano
del companatico,
io 'ngótto e zitto senza sferrá...

Lo so! La vita è tragica,
ma 'a cascia...mme ll'hann''a dá!

Ce aggi''a mettere tutt''e llettere
che mi ha scritto Rosina mia...
Il mozzone di una steárica
(conficcato nella bugia),
na bambola 'e Miccio,
na lente in astuccio...
e una coda di cavalluccio
che mi ricorda la meglio etá!

Pa-ra-pa-ra-pa-ra-ppa-rá....

Vaco truvanno na casciaforte!
Ma a qua' casciere ce 'o vvaco a dí?...
Certe reliquie,
cierti cimeli,
si 'e ttiene 'a fore, pònno sparí!...

San Casimiro martire...
'sta cascia, famm''a vení!

Ce aggi''a mettere tutt''e llettere
che mm'ha scritto Rosina mia,
na cartella (di lire dodici)
rilasciata dall'agenzía...
Na máneca 'e sicchio,
na crástula 'e specchio,
na corteccia di cacio vecchio
e un fracchesciasso color cakí!

Pi-ri-pi-ri-pi-ri-ppi-rí....

See also:
JustSomeLyrics
78
78.108
Nicky larson Nicky larson-Without You Lyrics
Massimo Ranieri Agata Lyrics