T'aggi''a fá na 'mmasciata Filumè'...
vien''a ccá, vien''a ccá...
'Mpietto nun mme la pòzzo cchiù tené...
comme va, comme va?
Pecché rossa te faje? Ména mo,
vuó' sentí, vuó' sentí?
ca mámmeta strillare nun te pò,
nun fuí, nun fuí!

Nu poco la manélla vuó' pusá
'mpiett'a me, 'mpiett'a me?
Stu core comme zompa 'a ccá e 'a llá
vuó' vedé, vuó' vedé?
Mme ne stó' ghiènno 'nfuoco, lássem'í...
nun sciusciá, nun sciusciá!
Abbruciato pe' te voglio murí:
nun stutá, nun stutá!...

Io stó' 'mpazzenno, nun ne pòzzo cchiù...
sient'a me, sient'a me...
Stu core sta facenno tuppe-ttu,
Filumè', Filumè'...
Lu vide, da lu pietto vò' scappá...
tu lo vuó', tu lo vuó'?
Cchiù, senz''e te, nun pòzzo arrepusá...
nun dí no, nun dí no...

See also:
JustSomeLyrics
78
78.108
Mud Mud - Dynamite Lyrics
彩虹L'Arc-En-Ciel 眼中人 Lyrics