Egia da, heriotzaren lumak
lurreratuko nauenean ere
Bizitzak berdintsu iraunen duela, munduan
Ni hilda biharamunean eguzkiak
argituko du oraindik?
Eta trena ohi bezeala geldituko
da bost minutuz geltokian?

Eta itsas bazter honetan hausten diren
Olatu uherrak
Etenik gabe helduko dira
hondartzaraino ahalez eta ezinez
Bazterrean desegitera?

Eta ene izterreraino inguratu den karramarroa
Bihar
Beste inorengana ailegatuko da
Zangozabal eta haztamuka

Eta berreala aldenduko da, oraintxe
Ihesean aldentzen den bezela

Eta ez dut enekin eramanen ez eguzkia
Ez trena, ez karramarroa

Neu bakarrik eroriko naiz zulora eta egundoko
Egunik bakartiena izango da

Eta mundua orohar ez da ene hutsuneaz ohartuko
Ortzean zehar iragandako basahartearen hutsuneaz
Baino gehiago

Eta ni(ez dela galera ikaragarria?)ez naiz
Harrezkero enea izanen

Eta ez ote dut esango orduan, ematan bezala
Ez dut nahi?

Dena dela ekipairik gabe joanen naiz
Gehiengoarengana

Eta laban zorrotzaileak enparantza bazterrean
Betiko antzera xirula joz

Eta labanak finduko ditu,zorroztarriaz
Izar niminoak eginez

See also:
JustSomeLyrics
80
80.59
Kauta By IkertxO "EROS NAZAZU" Lyrics
FISKALES AD-HOK Tevito Lyrics