marahil ika'y nadapa
sa katotohanang inabot
na sa iyo'y kapusukan at pakla
ang gapas ng panahon

sa palad mo'y nakaukit
salin-lahing daloy ng kaisipan
walang tigil na hinagpis
and tanging galaw ng mga kamay

ngunit kapilas ng pag-unawa
ang basbas ng karanasan
kahit tila pangunguling ng diyos
ang habi ng kapalaran

kung ang katauha'y sinakluban
ng sanlibong itim na dahon
sunugin lahat ng ito't
palayain ang kaluluwa

See also:
JustSomeLyrics
80
80.117
Kelly Osbourne Ft Ozzy Changes Lyrics
Brendan Benson Crosseyed Lyrics