Borowa MC Vysskaistuokai Meitinai Lyrics

Dzierdi, kai viļņi Jiurys krostu vīglai gluosta? Jiuti, kai kuojis Zalta smiļtuos dziļi īgrymst? Ķer ar rūku tukšā gaisā! Viejš pi kuojam tovom nūstuoj! Pavieļi jam, lai jis maņi atrūd tuoļumā! Pīskarīs gaismai, Ļaun lai sauļis stors gluostu tovu Vīnā mirkļi puornas maņ! Pazaver iz augšu! Cik mieness šudin ļels! Redzi, tī kaids cylvāks, Kuojis ļajī nūkuors sied. Īzaver lobuok - Jis tav vīnai tikai smaida! As tevi gaidu! Pazastīp nadaudz! Opā! I iz mieness asom mjas... Nā, navaļc mani prūm. Vīnu mirkli kavjāsimās! Iz mieness molys sjādāsim I akmeņteņus zjamī svīsim. Dūd rūku sovu maņ, Sper sūļi prīkšā drūši. Pādys aiz miusim paļiks putekļūs... Nazabeistīs, skrīsim! Īzaskrīnom! Ļaksim - atpakaļ iz zjami! Vysu pasauli deļ tevis... A gribi - vāl vairuok! As douvinuošu tav vieji,. Lai tys vaigus tovus gluosta, Kod maņis blokus nav. Sauļi, kas sylda I zvaigzneita - Lai tei vieļiešonuos pylda. As mīļoju tevi Par tū smaidu tovuos acuos, Par tovu rūku gluostu. Par kotru teiktu vuordu. Par tū, kas asmu as Tik mirkli blokus stuovūt tav! Gribi atdūšu tav duorguokū, Kas dzīsmiņīkam pīdar! Dvjāsaļi sovu! Teiru, nasaburzātu. Sorgoj tū tai guņteņi, Kas povordu sylda. A gribi - saraun gobolūs I ļeidza viejam palaid... As saskaitiešu luosis, Kas nu dabasym kreit. Pīļikšu kluot - kūku šalkūni mežā I agra reita rosu. Atjimšu asareņi, Kas cytraiz puor vaigu tovu nūtak. Mīļesteibys formula - Tik styprai mīļoju as tevi. Biusim kūpā mjas vīnmār. Ļauj vīnu mirkļi tevi Sovuos rūkuos cīšai turāt. Tod īšu as īkaruot - Pasauļi deļ tevis...