هو أنت ليه بعيدة كدا
ومستحيلة بالشكل ده
فرحة حياتى ومرها
أيامى ليك عشتها
انت الحقيقة فى دنيا زيف
وأنت اللى دبت فى حبها
بقدر على الناس كلها
وببقى قدامك ضعيف
قدام ايديك ولا دوب ندا

قلبى على كفى افتحيه
حتلافى صورتك ساكنة فيه
حتى وأنا فى قلبى المرار
مابشوف غيرك ليل نهار
يا وردة مغسولة بندى

صافية رقيقة وطيبة
وبعيدة وأنت قريبة
يا محيرة كل القلوب
بكتب غرامك على الدروب
وأرسم ملامحك على المدى

هو أنت ليه بعيدة كدا

بصحى على صورتك وأنام
وألقاك ينسانى الكلام
أرسم أمل يبقى سراب
وأحلم بفرح ألفاه عذاب
وأنده يجاوبنى الصدى

عاشق أنا قلبى عنيد
ومسيرى حاوصلك اكيد
وألقاك يا قمرى البرىء
لو حتى راح يخلص طريق
وألقى طريق غيره ابتدى

See also:
JustSomeLyrics
83
83.43
Devil May Cry 3 OST Devils Never Cry Lyrics
Shattered Within The Spark Lyrics