Salíemos de madrugada
colos güeyos derrotaos
pola rosada
coles manes tremusines,
xelaos hasta l'alma.

Diez minutos
na cuneta
p'almorzar en silenciu
cola sorrisa
cuayada na cara,
cola sorrisa
marcada a tiznu na cara.

Dos o tres
vegaes per selmana
llamar a casa,
apurando les pallabres
pa nun dicir nada
o poco más...

Ver l'horizonte
como'l velu
d'una novia qu'escapa
y ponese a trabayar ensin pensar
na nueche anterior,
na llamada,
nos silencios,
na resaca,
nos guahes,
y esti dolor,
nun se
qué más contar,
nun se...

See also:
JustSomeLyrics
84
84.3
Timo Rautiainen Nyt on mies! Lyrics
Joss & Elton John Calling it christmas Lyrics