أبي منك عذر مقنع تعبت أعطيك من عندي
أبي صدقك و لو مرة يفوق الكذب في ذاتك

إذا أخطيت لا تنكر و لا تتوارى في صدي
يضايقني الجفى منك كثر شوقي لجلساتك

تزعلني و لين أرحل تخليني بشقى وحدي
أظل ابكي و لا أشكي تزيد أكثر بـ غيباتك

و لا تسأل أبد عني تمر أيام في بعدي
تجافيني و لا كنك علي مخطي بكلماتك

أخاف و حيرتي تكبر و أحط يدي على خدي
أفكر فيك وين انته حبيبي طول شتاتك

أطالع صورتك و أسرح عيونك حلمي الوردي
أموت بنظرتك و أعشق سكون الحرف بشفاتك

أبي أصبر على بعدك و لكن كل شي ضدي
أصد الشوق يعاندني يحنني لهمساتك

و لا أقدر على بعدك خلاص بشوفتك ودي
حبيبي جانك المخطي حضنت بـ روحي زلاتك

و اذا عندك مقنع أنا هاللحظة ما عندي
سوى حبٍ ملى صدري يفوق الحب في ذاتك

See also:
JustSomeLyrics
86
86.23
Snoop Dogg 02 C-Walkin Lyrics
Harold Melvin & the Blue Notes I Miss You, Pt. 1 Lyrics