لو رحل عني و سافر يختفي ضي المدينة
تكتئب كل الشوارع و تنتهي كل الفصول

الطريق اللي جمعنا يسأل الخطوة علينا
و المكان اللي حضنّا حاير بصمت و ذهول

الطيور اللي تغنت في لقانا ترتجينا
و الزهور اللي سقتنا من شذاها في ذبول

الألم ينثر شعر للشبابيك الحزينة
و الجفا يفرد ذراعه يسرق الحلم و يزول

و العمر كله ثواني لو رحل تصبح سجينة
داخل أوجاع الأماني و الزمن دايم عجول

و الهوى رغم المسافة بيننا زايد حنينه
و الصبر دايم يدوّر للهجر أيّة حلول

و الوله نكهة عذابي لو يلوّعني أنينه
لو يسهرني ليالي و الألم فيني يطول

لك من اللهفة رسايل حبرها دمّي بعينه
للأسف أحلى المشاعر مالها سكّة وصول

هذا احساسي فـ غيابك دامها روحي بـ ايدينا
لو تغرّبنا المسافة أو يبعدنا عذول

بنتظر وسط المحبة يمكن يعوّد سنينه
وقتها أنسى غيابه ، أسرح بقربه و أجول

See also:
JustSomeLyrics
86
86.23
Bugsy Malone/Razamataz You Give a Little Love Lyrics
Barry White im gonna love you just a little bit more baby Lyrics