يضيق بهالملل وقتي
يناظر عقرب الساعة
يناظر كل وله فيني
تريا جيته صدفة

على مهل الألم قلبي
يموت بلهفة أوجاعه
على ذاك الأمل يرجي
مروره من على الشرفة

وعدني و للأسف أخلف
تعبت أتحمل خداعه
تعبت من السكوت اللي
يجاري بالوهم حلفه

صحيح أعشق دفى عيونه
هدوءه و روعة أطباعه
و يمكن ليش أهو غامض
شعوري كم صعب وصفه

جروحي ترفضه و لكن
حنيني صعب اقناعه
ينادي ماضي أيامه
و لو كانت سبب نزفه

جلست أتأمل إحساسي
أنيني لحظة وداعه
رغم كل الألم قلبي
تمسك به ، رجى عطفه

رحل و أعطى الرجى ظهره
رمى عطفه مع قناعه
رمى كل شي و خلاني
أدوّر للألم رأفة

تذكرت العيون اللي
بكت أيام ملتاعة
و من همّي
أحس كل شي بكى يمّي بهالغرفة

وقف بين الهدب يأسي
صرخ باع الهوى باعه
عبث لو أنتظر قلبه
لقى بأقصى الهوى حتفه

يضيق بهالملل وقتي
يناظر عقرب الساعة
يناظر كل حزن فيني
تذكر قصته صدفة !!

See also:
JustSomeLyrics
86
86.69
Christina Aguilera I Turn to You (karaoke) Lyrics
Los reno Reflexiona Lyrics