ركبت البحر و شراعي هواك
و مركبي صدرك
أدل دروبي بحسك
الين أوصل بداياتي

أشوف الكون بـ عيونك
و أعيش سنيني بـ عمرك
يطل الصبح من وجهك
و تحلى بـ ليلك أوقاتي

بدونك فرحتي تذبل
و أضل أسقيها من صبرك
و أهجر كل شي فيني
عيوني ، شعري و شفاتي

و لي شفت الزهر يرقص
أتوه بنفحة من عطرك
و يوصلني صدى صوتك
يطاردني بمتاهاتي

تناديني بـ دفى شوقك
و أنا بردانة من هجرك
و أحس دفاك يبعثرني
و يلملم باقي شتاتي

و أصير بـ رجعتك طفلة
أداعب مدك و جزرك
و أذكر كل شي يطري علي
و أهجر سكاتي

و أهمسلك أنا أحبك
لجل تخفيها في سرّك
و كلما ضاق بك صدرك
ترددها بهمساتي

أنا أدري إحترت في حبي
و أنا محتارة في أمرك
و أحبك كلمةٍ تعجز
تشيل الحب في ذاتي

حدودي في الهوى
أبعد من نجومك و من قمرك
مثل ذاك السراب اللي
أشوفه في خيالاتي

حبيبي لو بيكتبني الهوى
قصة على صدرك
بـ يبدي و ينتهي باسمك
لأنك كل حكاياتي

See also:
JustSomeLyrics
86
86.69
Lloyd Cadillac Love. Lyrics
B.O.F GERALD ALSTON - Sugar Lyrics