أذكرك دايم تجيني
و الهوى بسمة على شفاتك تغني
تحضن إحساسي بعيونك
تحضنه و تقول أحبج، كم أحبج!
أذكرك و شلون أبـنسى؟
و هذا إحساسي بيديك
ألمحك وسط المرايا
و الأماني تكتب بهمي أغاني
و اتفنن في عذابي
و اتمادي باغترابي
أنفض أحزان الليالي عن عيوني
و أهمس بإسمك أنادي للمدى لذاك الطريق
كانت الغيمة تعانق حلمنا
و القمر ظله يتناثر حولنا
نجلس بركن ٍ بعيد
نحتمي بسدرة كبيرة
حلمنا هالوقت يعدي و ما يمرنا
و ينسى ياخذنا معاه
كانت أحلام ٍ كثيرة
صارت أحلام ٍ كسيرة
و الزمن مرنا و أخذنا و افترقنا !
و صرت أنا وحدي أعاني
ما أدري انته هم تعاني ؟؟
ولا قلبك حبـ له غيري و نساني !
أرتجي هالزمن يرأف بحالي
يطوي أحزان الليالي
أرتجي شوقي لعيونك يختفي
و الهوى مني يمل و يكتفي
أرتجي همي يسافر
يرحل لأبعد مدينة
ياخذ أوجاعي و ينهي
كل لحظاتي الحزينة
ما أبيه ، اللي ينسى كم أحبه !
و الوعد ينبض لقربه
و فـ أقل من لحظة يضعف و يتراجع
يرعبه هم المسافة و المدامع
و الزمن يلعب عليه
كنت أضنك أقوى منه
و أنك تضحي لحبنا
بأي شي و كل شي
للأسف خيّبت ضني
و بجفى صديّت عني
و للأسف ما زلت أذكر كل تفاصيل الحكاية
من بداية بسمة بشفاتك تغنّي
لي نهاية ما جفيت و رحت عني
و السبب إني أحبك
إيه أحبك !
و الي قلته كله منك
كله من حزني عليك
دامه إحساسي بيديك
و كيف أبـنسى؟
و أنا أحيا عمري كله أحتريك !

See also:
JustSomeLyrics
86
86.69
Jimmy Bad Boy Con Esa Mujer Lyrics
TEQUILA Rock and roll Lyrics