سنة مرّت على غدرك و حبك في وسط صدري
سكنني من زمان بعيد و لا صديت لاقاني

أنا و الله سامحتك و جرحك توه بـ يبري
و لكن مرّت الذكرى و هزّت كل وجداني

نزفت كثير من جرحك و زاد النزف من شعري
أحاول أكتم أنفاسي .. يفجر شعري بركاني

في نفس الليلة كنت ابكي و عني انته و لا تدري
هناك بعيد كنت انته معاها تخيط بأحزاني

أنادي بصوتي المبحوح لين يبانلي فجري
و يكسر عيني شعاع ٍ يبين ظلمك الجاني

أحاول أغفي و عيوني تجبرني على سهري
أنا مليت و ما ملت تناظر طيبك الفاني

تخيلتك تسامرها و أنا مشتعلة في جمري
تخيلتك تناظرها و تغنيها بألحاني

ذكرت اني في يوم ٍ مَر أمّنتك على عمري
و انك يومها رديت أغلى شان اهو شاني

توقف عقلي تفكيره و زاد بداخلي قهري
أنا خدعة ..أنا كذبة .. أنا ما أظن تهواني

أنا ضحيت بسنيني و رميت الطيب في بحري
لأن أدري بتجيني يوم تبكي و اترجاني

و جا هاليوم و جيت انت بذلّك تستمح عذري
و أنا رديت بغرور ٍ مات اللي تناساني

و لكن ما قوى قلبي يصدك يا بعد عمري
خذيت أعذارك و حاولت أنسى كل ما جاني

طويت الهم و أحزاني نسيت الماضي و غدري
خذيتك بلسم لجرحي تطيب ماضي أعياني

و هذي سنة طافت و جرحك توّه بـ يبري
تمر ذكرى تعذبني و تنبش ماضي أحزاني

See also:
JustSomeLyrics
86
86.70
255_Si vous saviez quel Sauveur Lyrics
Appleseed Slavery Lyrics