Ik woën in de Wien en het in 't Ven,
en gluif maar, det ik mich de bein oèt ren.
Maar aovund aan aovund zal ik d'r zien,
in 't Ven in de maoneschien.

Refrein:
As de sterre dao baove straole,
en as de maon dao baove Haerunge hingk.
En dan örges in't greun verschaole,
de nachtegaal ein leefdesleedje zingk.
Dan wil ik wandele nao Schandele mit mien maedje.
Zitte kösmoele beej de Venkoele naeve 't paedje.
As de sterre dao baove Straole,
en as de maon dao baove Haerunge hingk.

Beej edere baum, beej edere brum,
dao huërste ein hoège en liège stum.
De liège is hae, de hoège is het.
Ik zeg 't maar det geej det wet.

En wae det neet gluif, dae gluif det maar neet,
dae haet auk nog noeits in 't Ven gevreejd.
Want hatte det waal, dan hatte gezeen,
wie schoën det die maon dao scheen.

See also:
JustSomeLyrics
87
87.68
mukesh JANE KAHAN GAYE WOH DIN Lyrics
Vatrogasci Traktori Lyrics