Ich trof e Leckerche, ich jläuv, dat stund op mich,
Et sproch mich an: drinks do met mer e Bier?
Ich saach: Leev Mädche, ich muß dich warne,
Loss de Finger weg vun mir

Refrain:
Ich ben ne Räuber, leev Marielche,
Ben ne Räuber durch un durch.
Ich kann nit treu sin, läv en dr Daach ren,
Ich ben ne Räuber, maach mor kein Sorch.

Ich dun jän kaate bes fröh am Morje,
Verspelle off, wat ich nit han.
Bloß eins behalt ich, dat es ming Freiheit,
Die nimp mr keiner, sulang ich mich wehre kann.

Refrain:
Ich ben ne Räuber ...

Ich mein et hück ihrlich, wenn ich saach,
Ich maach Dich, doch bald kann dat janz anders sin.
Se dät bloß laache un sat: dat määt nix,
Morje weede mir wigger sin.

Refrain:
Ich ben ne Räuber ...

Am nächste Morje, ich hat kaum de Aure op,
Sat mieh Hätz: Jung, dich hät et erwisch!
He Marielche, ich han dich wirklich jän!
Do soh ich ne Zeddel om Köschedesch.

Refrain:
Ich ben och ene Räuber, leeve Pitter,
Ben ne Räuber durch un durch.
Ich kann nit treu sin ...

See also:
JustSomeLyrics
88
88.98
Omnikrom Prends Une Photo Avec Moi Lyrics
C.O.N.T.R.A. Golpe Vino Pero Ya Se Fue Lyrics