tWestvlams Gemiengeld Vintekoor Meisje in de sauna Lyrics

Zwit, meisje, zwit. Doe joen anddoek moar af.
Ik zien Adam, gie ziet Eva. Moar is da toch tof!
Ach ne mens moe toch af en toe ki meedoen met leevn,
ne mens moet em af en toe ki bloot durvn geevn.
Ik zie joen, gie ziet mien, is me da gin skoon akkoord.
Der is geeneen moderne mens die em doa nu nog an stoort.
Ma meisje, woarom zitje doa zo verre in dat oeksje?
En woarom zitje in de sauna met een T-shirt en e broeksje?

Gie en ik meisje, me zitn in de sauna,
te genieten van mekanders flora en fauna.
Meisje toch, meisje toch, ik zitn ier te zwjitn
en ik zien ik van nateure ol ne redelikn jitn.

Zwit, meisje, zwit, iersi giet moa me die lepel. Nondekuutjes, kstukn ik nu toch wel teegn joene *MIEP*. Ach meisje toch, ik geloovn daj gie da ier nie goe begriept.
Je moet relaxn, tis nie nodig daj joen benen azo toeniept.

Snuft eki die dampn up en proeft eki die geurn.
Da moe deuredringn, meisje, tot in je diepste veurn.
Meiske toch, ik zitn ier nogal moatig te zwjitn
en ik zien ik van nateure ol ne redelijkn jitn.

Ieskoed woater, da woare nu beter
voe mien verlangn te verkortn me een poar centimeter. Emo meiske, alli gow zeg, wa doej gie mie nu an?
Je moe nie wegloopn, moa wrom latje gie mie nu in plan?

Gie en ik, meiske, me zitn in de sauna,
te genieten van mekanders flora en fauna.
Meisje toch, meisje toch, ik zitn ier te zwjitn
en ik zien ik van nateure ol ne redelijkn jitn.

De sauna, de sauna, das goed voe joen vel.
Moar ook slicht voe joen erte.
Ma kweetn ik da wel.
In je blootn in de wakte, dat is toch nie proper?
In de zomer, noa Bredene, das vele goekoper!

Gie en ik, meisje, me zitn in de sauna,
te genieten van mekanders flora en fauna.
Meisje toch, meisje toch, ik zitn ier te zwjitn
en ik zien ik van nateure ol ne redelijkn jitn.