Zidor Le pot d'mougettes Lyrics

Le pot d' mougettes

A c'tte hure, i vas v's raquinter tchelle do pot d' mougettes.

Ol avét la Mère Roserpine pis l' Père Azolin-ye qu' habitiint dans l' fin fond d' la piaine dans-n-ine 't__e cabane. Tch'étéït en piein hivaèr. L'étiint itchi d' chaque couté do fouer d' la ch'minaïe, que l' se r'gardiint, fesiint graléï dos châtaignes, et pis l' bounhomme tapinait l' tchul d'in pener.

Et pis l'étiint là, parliant d' tot, parliant d' rin-ye, parliint do temps passéï, et pis tot d'in coup, v'là Azolin qui dit à Roserpine : « Te sés, ma paure bounne femme, o n'n ara bé iin d' nous dux, qu'in d' tchés bias jours, qui s'en ira. I avans teurjous vécu teurtous ensembe bé c'mme o faot depis soéxante ans qu'i sins dans l' même lit. Faut qu'i t' dis queuque chose, pace que, t' séïs, i t'avans jamés rin cachéï, més i ai quand même quèque chose sus l' tchèr qui m' fét do mao : ol ést, ma paure bounne femme... ol ést qu'i t'ai cocufiée.
- Oh ! viux salaod ! qu'a dit, de maême, bé, quand mêïme. Ah ! i arès jamès pensé tchu d' ta ! Toï qu'as fét tchu ?
- Eh ! voui, qu' le dit, t' sés, bé à dos foés, hé, on est poét mèïte de sés affaires, que l' disit d' mêïme.
- Et pis qu'alle dit : oh ! à l'âge qu'i sins-t-à c'tte heure, te peux bé m' dire qui qu'ol aïst.
- Bé, t' sés bé, ol a eu ta copine, la Rosée, itchi.
- Oh ! beurnancio ! Tchette Roséïe ! Ah ! bé dame, beurnancio ! I arais eu bé grand zire de tchu.
- Pis ol a eu, t' sés bé, la... la... la... la... la... la... la mariaïe, léï, tchelle qu' avait v'nu, là, tchette grande femme, qu' avait tchés grands puaos.
- Ah ! Hu, beurnancio ! Ah ! bé, m'étounne pas. T'as été m'né ta viande encore itchi, ah !
- Pis ol a eu, t' sés béï, tchelle a__istante souciale qu' avait v'nu, itchi, au pays, peur voèr le namboureil do minde, si l'était, à la même hure teurjous au matin-ye qu'au tantout, teurjous à la même piace.
- Ah ! Hein ! Tchette grande, tchette grande fumelle, tchette grande houlère, qu'a dit, tchu minde qui portait poét d' chemise, heu, tch'ést bé quèque chose de bua ! »

Enfin-ye, ol a rèchté de maême. Queuques jours avant passéï. Ine belle s'raïe qu' l'étiint là, tos dux, v'là Roserpine qui dit à Azolin-ye : « Te sés, min paure bounhomme, si ol était moé qui m'en allais la peurmère, i ai queuque chose en travers itchi qui m'empêcha d' dormir depis l'aute jour, ol ést que, heu, moï avec, i ai in p't__ folailléï, qu'a dit, heu !
- Bé ! Oh ! Oh ! bé, tchu par éxempe ! Oh ! bé, toï, te m' la copes, que l' li dit de maïme. Bé, avec qui qu' t'o-z-as féït ?
- Bé, ol avét tin copain-ye, itchi, t' sés bé, Marius.
- Ah ! Marius ! Ha, ha ! m'o-z-avét jamés dit' !
- Pis, euh, euh, bé, t' sés bé, ol avét Julot, le marchand d' goréts. Oh ! bé, tchao, te séïs, te y a pas perdu : tos lés goréts qu' t'as eus dans tin tét', te peux éte sûr que l' t'avant pas coûté bé cher. Pis... pis... ah ! pis te sés, moï, i étais pus pratique que ta. Tch'était poét quimpliquaï, qu'a dit : à chaque foés qu'i o fesas, ch' te méttéïs ine 't__e mougette itchi dans l' pot' sus l' coin d' la ch'minèïe. »

Alors, v'là Azolin qui s' leuve, tot douc'me-ent. Le r'garde dans l' pot'. Tch'était in grand pot' de troés lites. O n'n avait les troas quarts. L'était piein-ye de p't__es mougettes à coco. « a__is-tu, qu'a li dit. Ah ! mon paure bounhomme, faut qu'i t' dis d'autes choses : ol ést qu' t'en as déjà mangé quate potaïes ! »