Zidor Mantine fait ses Pâques Lyrics

Mantine fait ses Pâques

Ah ! A c'tte hure, i vas v's parler d'ine affaire qui s'ést passéïe bé avant qu'ol ait totes tchés voétures, qu'ol ait tos tchés bousins qui passint nit et jour, itchi. D'aut'foés, ol avét dos commissionnaires qu' alliint à Lucin, dux foés peur semèïne. Le s'en alliint avec lés moucs et pis lés huîtes, pis le r'torniint avec totes les commissiins do minde qui veniint d' Lucin.

Ol avét la Mère Moleau, itchi, la m... la zine Moleau. Ah ! dame, alle en a bé charayé, tés, dos affaires. Pis bounnes gens, a s'en allait avec sin ch'vao pis sa carriole, fesait les commissiins tot l' ling do ch'min jusqu'à Lucin. Pis, étét dans lés lolins d' Pâques, pis ine belle jornaïe, v'là M'ssiu l' Tchuraï qui s'ameune chez zine pis qui dit : « 'Tendez-vous, la Mère Moleau, me feriez-vous une commission en allant à Luçon ?
- Oh ! M'ssiu l' Tchuraï, qu'a dit, i é rin à vous r'fusa.
- Bé ! dame, que l' dit, v's savez pas, hein, veus passeriez au carmel pis veus m'apporteriez dos hosties, pace qu'i en avais poét a__éïz peur Pâques, o va avoér do minde, pis v's savez bé, le mande, heu, de tchés temps, hein, i's acconsoumant bérède, heu, alors, faut bé qu'i é tot c' qu'o faot, faut pas qu'i... heu, qu'i mésésins, heu. »

Alors, la v'là qui ramène les hosties pis tot, pis v's savez bé c' qu'ol aïst, alle étét chargeaïe, chargeaïe : alle avét lés boétes à coèïffes, pace que les madames rupines, a fesiant r'passer lés coèïffes à Lucin. A v... l'avét tot, alle avét les chaudrins, tot... tot... tot... tot l' diabe pis son train. Alors comme le carmel, ol étét sus la route do r'tour... et pis, dans tcho moument, alle avét ici in piano mécanique qu'a rapportait au casino d' la Faote. Alors, alle avét tcho... chouse darrère, pis alle avét mussé tchés p't__es boétes d'hosties enteur sés boétes à coéffes pis l' piano. Darrère.
Pis c'ést bé tchette bounne femme qui r'venét, l' ling do ch'min. « Hein !... pis a melounét d' même, oh ! qu'a dit, fils d' garce ! » A voyét tchét... cet engin qu' étét itchi, a dit : « M'ést avis que, heu, avant qu'i sèche rendue à l'Aguiin, i vas bé essaya voér queumment qu'o marche ! » Alors, a fout ine pièce dans l' bastringue, pis la v'là qui torne la manivelle, et pis : « Prrrin ! ha tin ! ta tin ! ta tin ! ha lin ! la lin ! la lin ! » Ah ! 'fant d' putain ! V'là la j'ment qui s' mét à l'ver l' tchul, qu' étét tote perdue. Alle étét-t-arrivaïe à Triaize, bounnes gens, la j'ment leuve le darrère, pis pas moïen d' l'arrêter. Pis o marchét : « Huuu ! Ha hu ! Ha hu ! Ha hu ! » Pis la bounne femme qu' étét itchi : « Hé ! C'mment faire à c'tte hure ? Oh ! dame, qu'a dit, quasiment, a s'ra bé cr... rollaïe avant l'Aguiin ! Alle arrêt'ra baï ! » Oui, bounnes gens, més v'là-t-o pas ine affaire : ol ést qu' dans lés virages de Triaize, v'là-t-o pas qu' la boéte d'hosties qui ripe in p't__ sus l' coutéï, la v'là qu' ouve... qu' entrebâille la goule de la boéïte, pis v'là les hosties qui chusiint dans lés bouses, itchi, lolin, à Triaize. O n'n avét sept huit qu' étiint chues cha iine dans ine belle bouse, qu' étiint itchi sus l' bord. Ah ! V'là la j'ment qu' ést arrétaïe. « Dame, qu'a dit, i vas lés ramassaï, i lés musse in p't__ sus ma dorne, pis i lés bourr'rai dans la boéïte, jusque peur debas, qu'a dit, o s' verra poét' ! »

En arrivant, premère commissiin, la v'là partie chez M'ssiu l' Tchuraï avec sa boèïte : « V'là, M'ssiu l' Tchuraï, tot frais, qu'a dit, juste arrivaï, dame v's êtes le premer servi. » A li dounne la boéïte. M'ssiu l' Tchuraï prend : « Merci, ma pauve dame, c'est bien gentil à vous.
- Oh ! qu'a dit, v's savez, hi hi hi hi hi, i é fét c' qu'i é pu, i é pas teurjous fét c' qu'i é v'lu, més enfin v's o v'là, queumme ol aïst ! »

Alors, la v'là rendue chez zur. Pis tchette bounne femme qu' étét bé maline, le lend'main, a voyét totes tchés m... bounnes femmes qui s'en alliint à la mèïsse. Pis darrère sa croisaïe qu'alle étét : « Heu ! Les voés-tu baï, qu' l'allant avaléï la bouse, qu'a dit d'mêïme. »

Pis la mèïsse s'ést faite. Alors o chantéït. Ol avét la p't__e mèïsse avant, pis ol avét les vêïspres au tantout. Est pas comme à c'tte hure, l' fesant quasiment rin. L'avant pus sounné l'angélus, le fesant pus rin du tout. Ah ! dame, in d' tchés jours, le f'rant bé ine messe tos les huit jours, pis encore, quand o f'ra bua ! Alors, v's savez bé, ol avét la vieille feuille, ol avét Manda. Pis, hé hé hé, a... a... alle avét la goule de travers, de même. « Ah ! qu'a dit, heu heu heu, i vas jusqu'à M'ssiu l' Tchuraï, pace qu'i é queuque chose à li d'mandéï. 'Tend... 'tend... 'tendez-vous, M'ssiu l' Tchuraï, ah ! eh ! écout... écout... écoutez dinc, itchi, hein. A mata-in-ye, i étés-t-allée à la communiin, ah ! oué pis mux, 'tendez-vous, hmm ? V's allez dire qu'i sés poét fine, més, heu, lés hosties, qui qu'ol aïst ? Avec qui qu'ol ést fét, tchu-tchi ?
- Oh ! Manda ! que l' dit, vous me demandez ça ? Mais l'hostie, mais c'est le corps de notre Seigneur, c'est le corps entier de notre Seigneur qui est dans cette hostie.
- Eh ! eh eh eh eh bé, M'ssiu l' Tchuraï, hein, i sés pas si ol étét l' corps de notre Seigneur, hein, eh bé, la meunne à matin-ye, hein, eh bé, alle avét goût d' merde : i ai dû tamber sus l' crux d' tchul. »