Zidor La noce à la drôlesse Lyrics

La noce à la drôlesse

Ah ! bé, ol ést la noce à la p't__e Mirotelle, tchu, tès. Ah ! 'gardez dinc si alle ést belle, dame ! Quë belle noçaïe ! Le sant bé au moins in coupe de cents peur darrère. Pis hier, ol étét la noce à la t__ine. Oh ! V's savez pas, les femmes, c' qui m'avét été dit. V's o-z-avez poét entendu à matin-ye quant' i avans passéï-t-à la boulang'rie ? Oh ! dame, ol avét la Nénette, itchi, dame, a nous a raquinté comment qu'o s'étét passéï, hier au sèr. Alle avét vu la mère de la mariaïe à matin-ye, aux vaches, au ch... au ch... au tiroéït, itchi, et pis, a dit : « Ah ! M'en parle pas : anit, zeu ! l'avant dos inventiins queumme peursounne avant. Hier au sèr, dame, i avans passé-t-ine belle noçaïe. I en avans-t-i danséï dos avant-dux, i av... en avans-t-i sauté dos chèïses ! »

Hier au sèr, quant' la drôlesse a v'nu pis qui dit d' même : « Tu sais, Maman, on va aller s' coucher.
- Ah ! Bé i o pense baï, més p't__s enfants, qu'a dit d' même.
- Et pis, au lieu d'aller coucher comme on fait d'habitude, v's savez bé, à droite à gauche, on couch'ra à la maison.
- Ah ! Bé o s'ra queumme veus voudrez. »

Alors, i lés avans mis au-d'ssus d' nous, i couchiins-t-en bas, le couchiint juste au-d'ssus d' nous. Ah ! Veus parléïz : i étais avec tcho bounhomme dans tcho lit, i avais bua l' codailler pis li dire d' même : « Pense dinc à c' qui s' passe au-d'ssus d' note têïte...
- Eh ! que l' dit dinc, eh ! dors dinc pis fous-nous la paix ! »
Voyez béï quand mêïme ! Enfin, i entendés que... que... o musséït, heu ! I entendais sus tcho piancher, dame, heu, d' tos lés bords...

Enfin, à matin, me v'là l'vaïe, i monte en haot : pis, i avais préparé tot in tas d' belles sousilles, tot c' qu'ol avait de bua, qu'i avais installées peurtot dans totes lés chèïses, bé c'mme o faot : pus rin ! Ouve le lit : totes lés sousilles, totes... totes... més buas coussins-ye, tot étét dans l' lit.
« Ah ! Bé dame, i é dit, tchu par exempe, tch'ést trop fort, 't-o qui s'ést passéï ? Peurtant, alle avét la meillure de més couèïttes, i en avais mis dux peur qu' le séchant bé mux. 'T-o qui s'ést passéï ? »

Quant' la drôlèïsse a v'nu, i é dit d' même, dans l' coin de la lait'rie : « 'Tends-tu, qu'a dit, 't-o qu'ést tchu qu' v's avez fait tchette nit ? Quant' i é v'nu faire vote lit à matin, ol avét tos lés coussins qu' étiant lolin dans l' find do lit.
- Eh ! Bé, qu'a dit, Maman, més tu connais rien ! Més t'en fais pas : c'est Gustin qu' a mis ça dans l' lit. Tu comprends pas ? C'est pour gagner des centimètes.
- Ah ! Bin, qu'a dit, ést peur gagner dos centimètes. »
Ol avét l' bounhomme qu' étét à couté d' lé, pis a li dit : « 'Tends-tu, hein, eh ! bé, nous, d'pis l' te-emps, qu'o fét més d' cinquante ans, s'i avians mis dos coussins-ye à chaque foés, bé dame, ol ést poét dos centimètes, més ol ést bé dos kilomètes que i arians gagnés, tés, tchu, tès ! »

Alors la jornaïe a passé. Et pis v'là pas qu'au sèr, l'avint couché en haot. L'entendiint sus tcho piancher : peuta ! peuta ! peuta ! peuta ! brrra ! peuta ! peuta ! peuta ! brrra ! Le lit d' même qui sautait d' tos lés bords. « Ah ! Bé, qu'a dit, bé 't-o qui s' passe ? »

Le lend'main matin, a qu'nande la drôlaesse, pis a dit : « 'T-o qu'ést tchu que veus v'rnussiez, hier au sèr ?
- Més Maman, qu'a dit, més on a fait ça à la russe.
- Heu ! 'T-o qu'ést tchu, qu'a dit ? A la russe ? Oh ! Tchu, o dét ête depis qu'ol a l' Marché coummin-ye. Oui, bé, qu... heu, heu, queumment qu'ol aïst ?
- Eh ! bé, qu'a dit, c'est pas compliqué. Tu fés troés foés l' tour do lit, te mantes sus la tchusine, te mantes sus la tabe, te mantes sus la ch'minaïe, prrrt ! pis te t' cheutes.
- Ah ! bin, qu'a dit d' même. »

Alors ol a passé d' même. L'avant parti-t-en voyage de noce. Pis, huit jours après, v'là la drôlèïsse qui r'vint à la mésin : totes lés portes, totes les f'nêïtes, tot étét frumé. Pis qu'a dit : « Més qu'est-ce qui s' passe ? » A va voir la voisine, pis li dit d' même : « Mais que s' passe-t-il ?
- Ah ! m'en parle pas. Mais sais-tu pas qu' ta mère est à l'hôpital ?
- Ma mère est à l'hôpital ?
- Oh ! dame, pis qu'o va poét tchu bè. O va faire huit jours à d'main-ye. Pis tch'étét défendu d'aller faire dos visites. Alle étét itchi dans tchés mésins-ye, oh ! pis t 'séïs, heu, o va poét chèr de léï. »

Alors la v'là qui va partir. Quand alle a-t-arrivaï : « Silence, juste une p't__e visite de cinq minutes. » L'a-t-a-rentéï à l'hôpital.
« Oh ! ést toï, qu'a dit, ma p't__e feuille ?
- Oui. Mais alors, Maman, qu'est-c' qui s' passe ?
- Oh ! m'en parle pas ! Oh ! qu'a dit, penses-te baï, quant' te m'as dit d' même que v's aviez fét tchu à la russe, i o-z-é dit à min pauve bounhomme : oh ! l' m'a dit, ma pauve bounne femme, o s'ra poét dit qu'i nous sépar'riins sans avoér essayéï tchette inventiin. Au saèr, le v'là qu' a pris sés élans, l'a minté sus la tabe de nit, l'a minté sus la tabe, l'a minté sus l' p't__ buffét. Heu, l'a dit : i sés poét a__ez haot. I vas minter sus la ch'minaïe. L'a minté sus la ch'minaïe. Bordel de fils d' garce ! qu'a dit, l'avét copé sés ingues de sés grous ortails, l'a peurdu s'n équilibe, l'a fougé sus moï... Penses-tu baï : l'avant fét troés cur'tages pis l' l'avant pas trouvéï ! »