Zidor Retour de guerre Lyrics

Retour de guerre

Ah ! Ol ést la périgourdine, tchu, tès. Ah ! I la dansians baï, tés, d'aut'foés. Ol avét Marius pis Jules. Tchu, c'étét dos terribes peur danser tchu. Ha ! V's savez pas c' qui lu-z-ést arrivéï en r'venant d' la guérre ? Ah ! dame, o date poét d'hier, i vas v's o raquinter.

Marius pis Jules, comment qu'i dirés-i ? dame, tchu, ol en étéït, heu, queumme dirés-i, qui fournissiint peurtot, qui bouchiint tos les crux que l' trouviint. Et pis, l'aviant étaï à la guérre, pis v's savez bé c' qu'étéït : ol étét la privatiin d' bé dos chouses. Pis quant' l'avant r'torné d' la guérre : « Ah ! dame, que l' disint, hein, i allins rattraper l' temps perdu, à c'tte hure, te vas voér. »
Ol avét Jules, li, hmm, l'étét itchi ac sa musette, que l'arrivaït. Pis l' s'avant laissés au bout d' la... d' la charrère. L'a dit : « 'Tends-tu ? I nous reverrans d'main matin-ye, pis i racanterans comment qu'o s'est passé tchette nit. »

Le lend'main matin, Jules étét rendu l' premer. « Ah ! que l' dit, bé, dame, 't-o qu' te... tch'ést pas ête en r'tard ! T'étés déjà ilé ?
- Meu, oui, que l' dit, mon gars. J'étais rendu l' premer. Pis ta ?
- Beh ! que l' dit Marius, te voés baï, i arrive tot juste. Oh ! dame, que l' dit, heu, ho, moï... Alors, comment qu'ol a marché ?
- Oh ! te séïs, in p't__ d' maï, i avés pas l' temps d' léïsséï la musette. I o-z-arés fét sus l' coin d' la tabe, que l' dit. Més i é quand même étéï in p't__ m... T' sés bé c' qu'ol aïst, faut poét ête tot à fét race chaï, hein ? Més i vas te dire, i sés bé embêtaï. C'ést ine affére qui m'a arrivé qu' o m'avét jamés arrivé.
- Eh ! bé, 't-o qui t'ést arrivé, qu' dit l'aote ?
- Eh ! bé, te m' créras si te vux, hein, i t'o dis à toï pace qu'i sés qu'i nous qu'nneussans baï, eh ! bé, i é pas trouvé l' crux.
- T'as pas trouvé l' crux ? Toaï qu' as pas trouvé la baboette ?
- Nin, i é pas trouvé la baboette. Pis ta, Marius ?
- Beh ! ma, étét bé in p't__ dans tan cas. D'pis l' temps qu'o m'avéït arrivaï, poét arrivaï à o faire, i é dit : Ah ! tchu ést égal, i vas pas trouver la musse, que l' dit de même. Més dame, ol ést qu'i étés pus fin qu' toï : ol ést qu' moï, eh ! béï, i l'é fét p___éï, pis i é r'minté l' courant ! »