พอแต่เปิดผ้ากั้ง มาแล้วหมอลำน้องใหม่
อย่าพากันฟ้าวสั่นสาดไล่
ซ่อยเป็นแรงใจให้ลูกให้หลาน
ตั้งวงมาสามปี หัวแต่มื้อนี้ที่ได้รับงาน
ชื่อคณะแฮงเป็นตาย่าน
มุ่นอุ้ยปุ้ยบันเทิงศิลป์พัฒนา

เล่นมื้อนี้ หัวก็ซ้อมกันมื้อวาน
เรื่องผลงาน บ่รับประกันดอกหนา
นักดนตรี กะมีแต่ซุมขี้ยา
หางเครื่องเก็บจากทุ่งนา
ส่วนท่าเต้น ล่ะตามเวรตามกรรม

ซุมคอนวอย มีแต่เด็กน้อยนักเลง
ผู้ได๋เก่งมะ พ้อกันหละหน้าฮ้านหมอลำ
ฝ่ายพระเอก เมาเหล้าตั้งแต่หัวค่ำ
นางเอกเอาลูกมานำ นอนไกวอู่อยู่หลังเวที

(ลำ)
โอยหนอนางหนอนาง หมอลำนี้หมอลำตั้งใหม่
หมอลำนี่หมอลำตั้งใหม่ เป็นจังได๋อดทนเอาเด้อท่าน
อย่าเมือบ้านก่อนเด้อ ซุมแดนเซอร์
ที่ขึ้นมาโชว์วง ซุมแดนเซอร์
ที่ขึ้นมาโชว์วง หุ่นคือโอ่งต่อขา
กะมีผัวเบิ๊ดแล้ว.

ด้านเครื่องเสียง พอปานรถขายน้ำปลา
เร่งจนว่า แอมป์พังดังพออุ่มๆ
ส่วนแสงสี ยิบยับคือศาลพระภูมิ
สายไฟพันกันลุ่มปุ้ม ช็อตนักฮ้องดิ้นล้มดิ้นตาย

เบสกีตาร์ สายขาดกะบ่มีเปลี่ยน
แคนกะเพี้ยน พิณยังบ่ทันตั้งสาย
กลองกะแตก หางเครื่องกะตกบันได
หัวหน้ายากนำเมียใหญ่ กับเมียน้อยต่อยกันหลังฮ้าน

ซุมคอนวอย ตีกับเด็กน้อยวัยรุ่น
เห็นแต่ฝุ่น ผู้เฒ่าหอบเอาลูกหลาน
เหลือหมาน้อย เห่าหอนด้วยความรำคาญ
เจ้าภาพสุดจะทนทาน เอาเงินมาให้ไล่ขนของเมือ
เอ้าเมือหมอลำเฮาเมือ เอาไว้งานหน้าค่อยมาแก้ตัว

(ลำ) สุดสิมั่วหมอลำตั้งใหม่
สุดสิมั่วหมอลำตั้งใหม่
งานต่อไปมีคนหาว่าจ้าง พวกเฮานั่นค่อยลุย
มุ่นอุ้ยปุ้ยบันเทิงศิลป์พัฒนา มุ่นอุ้ยปุ้ยบันเทิงศิลป์พัฒนา
ปันเงินมาบ่คู่กัน ตีกันน้ออุ้ยปุ้ยน้ออุ้ยปุ้ย

See also:
JustSomeLyrics
90
90.69
Ericke The Beat Is Rockin (Gregor Salto Remix) Lyrics
Azra 16 Kad Miki Kaže Da Se Boji Lyrics