Hmm... Wodzionka
Suchy chlyb i wody szklonka
Hmm... Wodzionka
To najlepszo z wszystkich śląskich zup.
Hmm... Wodzionka
jak jom zrobi moja żonka
Hmm... Wodzionka
to jest łosmy świata cud.

Leć do kuchnie i z bifyja gorczek weś,
puś kokotek, nalyj wody i na piec.
Potym wejrzi czy porządny łogiyń mosz,
no - to piyrwszo czynść warzynio znosz.
Tera nojważniejszy bydzie suchy chlyb,
zrob go w konski i do jakiś michy wciep.
Łobejrz czy w boncloku jakieś tuste mosz,
no - to drugo czynść warzynio znosz.

Hmm... Wodzionka
Suchy chlyb i wody szklonka
Hmm... Wodzionka
To najlepszo z wszystkich śląskich zup.
Hmm... Wodzionka
jak jom zrobi moja żonka
Hmm... Wodzionka
to jest łosmy świata cud.

Tera przidzie czosnek, łon tam musi być,
dodej magi, piepszu i posolić tysz.
Dźwigni dekel czy już woda dobro mosz,
no - to czecio czyńść warzynio znosz.
Jak zawrało, wszystko to zalywo sie,
dowej pozor na paluchy, niy sporz je.
Rykni z łokna bajtlom, że już łobiot mosz,
no - jak fajnie wonio, sukces mosz.

Hmm... Wodzionka
Suchy chlyb i wody szklonka
Hmm... Wodzionka
To najlepszo z wszystkich śląskich zup.
Hmm... Wodzionka
jak jom zrobi moja żonka
Hmm... Wodzionka
to jest łosmy świata cud.

Bogoc, czy biydok niy łopsze tymu sie,
Jak w siyni zacznie woniać, za łyżka kożdy rwie.
Niy ma taki siyły, by zaczimała cie,
za jedyn talyrz zupy, pozabijajom sie.

Wyboczcie ludkowie ale kończa to,
moja we szuflotce suchy chlebek mo.
Widza że już z gymby ślinka leci wom,
co - myślami ście z wodzionkom som!
Teraz jedna dobro rada dowom wom,
niy wierzycie, że inne dobre zupy som.
Przepis my wom dali, kozdy już go zno,
no - to teraz sie uwarzcie to.

Hmm... Wodzionka
Suchy chlyb i wody szklonka
Hmm... Wodzionka
To najlepszo z wszystkich śląskich zup.
Hmm... Wodzionka
jak jom zrobi moja żonka
Hmm... Wodzionka
to jest łosmy świata cud.

See also:
JustSomeLyrics
90
90.112
Mondo in Mi 7 Lyrics
???? JOY Lyrics