I schtah jede tag da usse
gseh die flüger cho & gah
häbe d nase i di chauti morgeluft
wo nach trybschtoff schmöckt
& dr näbu chläbt über dr schtartbahn
& uf dr schtartbahn hocke möwe
& ds fäud isch wyss vom ryf

I gseh uus wie ne pilot
i myre bruune bomberjagge
& em wysse sydeschau
I weiss es haargenau
I ha die type lang gnue schtudiert
scho als chlyne giel
bin I samschti für samschti
ging da usse gsi
& ha modällflugzüg
i himmel ufegschickt

I ha's scho denn gwüsst

irgendeinisch gahn I o
bälpmoos - schpick mi furt vo hie
bälpmoos - mer esch's glych wenn & wie

es fahrt e schwarzi limousine vor
& ne gschalete chauffeur
schleppt goffere & schwäri täsche umenang
& ne rychi runzlegi sou im pelz
schtygt gschtabig uus
hei dene ghört d wäut...

bälpmoos - schpick mi furt vo hie

wenn I die chance hätt
& ds gäut
I gieng a ds kap der guten hoffnung
I ha ir schwyzer illuschtrierte einisch bilder gseh

& när chäm I nie meh zrügg
hätt e insle & ne frou
& alles won I miech
würd I mache wüll I's wott
& nid wüll's angeri wie
ersch rächt nid wöu I müesst
ersch rächt nid wöu I müesst

bälpmoos - schpick mi furt vo hie
bälpmoos - mir isch's glych wenn & wie

See also:
JustSomeLyrics
91
91.3
10- Descripcion Lyrics
RTZ Face the Music Lyrics