Cuando'l friu de la cai
aruñaba les ventanes
y el barru del camin
afogaba los mios pies,
fuiste tu l'alborecer
que desfizo la xelada,
herba verde, fonte clara
onde yo quiero beber.

Vientu na cara,
fuercia nos brazos,
nel pechu el to calor.

De la lluz que tu me das
ñaceran les primaveres
que me pinten los colores,
que me traigan la calor,
les qu'entierren los iviernos
que gacharon la mio cabeza,
les que furen los paragües
que nun dexen ver el sol.

Vientu na cara,
fuercia nos brazos,
nel pechu el to calor.

See also:
JustSomeLyrics
95
95.8
God Esther Lyrics
04 - Jaguares Calabacitas Tiernas Lyrics