(tradizionale)

Deus ti salvet, Maria,
Chi ses de grassias piena,
De grassias ses sa vena
=> Ei sa currente.

Su Deus Onnipotente
Cun tegus est istadu,
Pro chi ti hat preservadu
=> Immaculada.

Beneditta e laudada
Subra tottus, gloriosa,
Ses Mama, Fiza e Isposa
=> De su Segnore.

Benedittu su fiore
E fructu de su sinu
Gesus fiore divinu
=> Segnore nostru.

Pregade a Fizu bostru
Pro nois sos peccadores,
Chi tottu sos errores
=> Nos perdonet.

Ei sa grassia nos donet
In vida, e in sa morte
Ei sa dicciosa sorte
=> In paradisu.

See also:
JustSomeLyrics
96
96.20
Daniel Beddington if your not the one Lyrics
Associates Skipping Lyrics