O l'ëa partio sensa ûn-a palanca,
l'ëa zâ trent'anni, forse anche ciû.
O l'aveiva lottou pe mette i dinæ a-a banca
e poeisene ûn giorno vegnî in zû
e fäse a palassinn-a e o giardinetto,
co-o rampicante co-a cantinn-a e o vin,
a branda attaccâ a-i ærboi, a ûzo letto,
pe daghe 'na schenâ séia e mattin.
Ma o figgio ghe dixeiva: "No ghe pensâ
a Zena cöse ti ghe vêu tornâ?!"

Ma se ghe pensu alloa mi veddo o mâ,
veddo i mæ monti e a ciassa d'Annunsiâ,
riveddo o Righi e me s'astrenze o chêu,
veddo a lanterna, a cava, lazzû o mêu,
riveddo a séia Zena illûminâ,
veddo là a foxe e sento franze o mâ
e alloa mi pensu ancon de ritornâ
a posâ e osse dov'ò mæ madonnâ.

E l'ëa passou do tempo, forse troppo,
o figgio o l'inscisteiva: "Stemmo ben,
dove ti vêu andâ, papá, pensiemo doppo,
o viagio, o má, t'é vëgio, no conven!" -
"Oh no, oh no me sento ancon in gamba,
son stûffo e no ne posso pròppio ciû,
son stanco de sentî "señor caramba",
mi vêuggio ritornamene ancon in zû:
ti t'ê nasciûo e t'æ parlou spagnollo,
mi son nasciûo zeneize, e no me mollo!"

Ma se ghe pensu alloa mi veddo o mâ,
veddo i mæ monti e a ciassa d'Annunsiâ,
riveddo o Righi e me s'astrenze o chêu,
veddo a lanterna, a cava, lazzû o mêu,
riveddo a séia Zena illûminâ,
veddo là a foxe e sento franze o mâ,
alloa mi pensu ancon de ritornâ
a posâ e osse dov'ò mæ madonnâ.
E sensa tante cöse o l'è partio
e a Zena o g'hà formou torna o so nio

See also:
JustSomeLyrics
10
10.70
Travis River Lyrics
David Bowie I've Been Waiting for You Lyrics