gunaahon ki aadat chura mere mola
mujhe naik insaan bana mere mola

meri sabiqa har khata mere mola
tu rehmat se apni mita mere mola

tu qudrat se apni badalne ki o say
har ek meri laghzish katha mere mola

mujhe istiqamat tu eemaan pe day day
ma'al khair ho khatima mere mola

ho qadmon mein sarkar kay jab mera sar
tu eemaan pe us dam utha mere mola

tujhe to khabar hai mein kitna bura hoon
tu aibon ko mere chupa mere mola

tu lay ga agar adl se kaam apne
mein hoon mustahiq naar ka mere mola

jo rehmat teri shaamil-e-haal ho to
thikana hai jannat mera mere mola

tu masjood mera mein sajid hoon tera
tu malik mein banda tera mere mola

tu matloob mera mein talib hoon tera
mujhe day day apni wila mere mola

hai ut ooni farmaan quran mein tera
tu sun lay meri iltija mere mola

na muhtaj kar tu jahan mein kisi ka
mujhe muflisi se bacha mere mola

mujhe bhi dikha day tu jalwa nabi ka
yehi hai meri iltija mere mola

jinhon ne kaha hai duaaon ka mujh se
tu kar day sabhi ka bhala mere mola

hain kaabay pe nazrein ubaid-e-raza ki
ho maqbool har ek dua mere mola

See also:
JustSomeLyrics
97
97.27
Peaches peaches - Fuck the Pain away Lyrics
kon-tempt 2pac vs Lyrics