Ma' chiguinie' xiñee ndi' nuaa' sicari'

ma' chigate' guiruti' ganna xiñee,

Xabizende guniéxcaanda' canazaya' ti huadxi

nganga yuuba' cayuuti naa de dxiqué.

Ti bacaanda' canazá gudxite naa

ra lidxe' nexhe' caziiladxe' ti huadxí,

guniéxcaanda' ti gunaa zubania' laa

ne cuxidxe' gudxe' laabe sicari':

Sicarú rizalu' rade guiiru' xhagalu'

ziuula' (gu)ichai'cu' xunaxi lii para naa,

-biiya' zizalu' ne naa biuuladxe' lii stale

zulua' naa biale' peru para si lii jñaa'.-bis

Bina' guni'be zanaxhiee' lii badunguiiu

Diuxi biseenda' naa para ganaxhiee' lii,

ne ra gudobe ti bixidu' ruaa' bibane'

caniéxcaanda' saca pia' naa de dxandi'.

Bacaanda' xiñee ndi' beedu' ra nuaa'

bacaanda' yanna pur lii nga chegate',

-bacaanda' xiñee beedachitu' naa

bacaanda' ma' pur lii ridxibe' gase'.-bis

Ndaani' xquidxe' stubi rienecabe naa

xiindi' gune' chupa dxiiña' gapa' (gu)idxiiche',

-ngaca ñanna' de dxiqué ñaca' naquite

yanna ti bacaanda' reedachite naa.-bis

Bacaanda' xiñee ndi' beedu' ra nuaa'

bacaanda' yanna pur lii nga chegate',

-bacaanda' xiñee beedachitu' naa

bacaanda' ma' pur lii ridxibe' gase'.-bis

See also:
JustSomeLyrics
97
97.87
月島きらり starring 久住小春 (モーニング娘。) I miss you Lyrics
Lorrie Morgan Back Among The Living Lyrics