hoshwaalo.n ko khabar kya bekhudii kya chiiz hai

ishq kiiji'e phir samjhi'e zi.ndagii kya chiiz hai

unse nazar kya milii roshan fizaa'e.n ho ga'ii.n

aaj jaana pyaar kii jaaduugarii kya chiiz hai

khultii zulfo.n ne sikhaa'ii mausamo.n ko shaayarii

jhuktii aa.nkho.n ne bataaya maikashii kya chiiz hai

ham labo.n se kah na paa'e unse haal-e-dil kabhii

aur voh samjhe nahii.n yeh khaamoshii kya chiiz hai

See also:
JustSomeLyrics
98
98.44
T-Bone Thief In That Night Lyrics
Les Wriggles Dieubouddallah Lyrics