Hans Söllner Polizei Lyrics

oba i glab i hob jetzt mitlerweile fui polizisten kennanglernt, also wirklich i moan, ich bin jo schon 43. do lernst jo einige kennen. wenn's ziemlich früh losgeht. so mit 13 - 14 is des losgonga, dass es sich praktisch bei mir bemerkbar gmacht haben. do hob i noch gor nit gwusst, dass es polizisten gibt, do wordn de scho' do. wegan mein bruada und wegan mein voda. jo, i muass a monchmoi wirklich lochá ge, dass wirklich sooo, also solchene mimosen, also solchane ... oh gott...also des derf ma gornit sogn, - ich bin doch auch nur ein polizist, ich hab doch 2 kinder zu ernähren, du kannst doch nit einfach über mich schimpfen, ..um gottes willen.. mein gott na..aha... des is wirklich... des is..... aber, aber aber!!...wehe sie san zu viert, und es is holba 3e in da fria und du bist alloa !!! ... dann ja dann.... he steig amoi aus.. burschi... burschi, schaug'ma amoi wos ois hasst... im austeilen sans überhaupt net empfindlich.

do teans, .... wos was i.... asylbewerber, de ausgwies'n werdn, mit klebeband umwickeln und plastiktüten übern kopf, damits nit schrein kennan. do sans gor net glimpflich, wenn's 14jährige kinder auf open-air-konzerten verhaften, weil sich's de ane wasserpfeife gekauft hab'n. die überall erhältlich ist, in ganz deutschland in jedem tabakladen kriagst heit a wasserpfeit' aber für irgendwelche polizisten is des natürlich sofort... schaug amoi hin, der hot a wasserpfeif'n... 14jährige kinder werdn so auf an vw-bus hingstellt und dann zu ernanden eltern 'bracht. do im austaln, do sans gor net kleinlich.!!! aber wehe, mann sogt dann etwas über sie!!!!......... dann kemmans daher, und wisst's was des schlimmste is?... du sagst heit was über einen polizisten und alle polizisten fühlen sich betroffen.san de olle aus dem selben material?... wenn i heit do herinnen über irgend einen metzger bled daher red, dann fühlt sich wirklich nur dieser metzger angesprochen, und der konn jo dann zu mir sog'n, - holt dei maul du orschloch....und wenn i heit herin etwas über a frisöse sog, oder über irgendein' manta-fahrer, dann fühlt sich nur der... aber wenn i irgendwas über de polizei sag, dann fühl'n sich immer glei de gonze polizei betroffen. jo sog amoi.... vielleicht hobn's a problem? und i muass jo wirklich sog'n, i bin jo erschüttert darüber, dass es reicht, in diesem staat, wenn ein polizist auf irgendeinem konzert irgenwas von mir heart und dann wird des auf was was i nit .. 800 gemeinden in bayern rausgeschickt und 800 gemeinderäte und stadträte und bürgermeister hab'n nichts anderes mehr zu tun in den letzten 3 monaten, als sich zu überlegen, ob ich in ihren städten singen darf !!! i konn des gornit fertig denka', weil wenn i do fertigdenk, dann bin i wieder irgenwo vor der zeit. praktisch vor 40ge praktisch bin i do wieder ansässig. do wo de zeit woa, do wos'd wegga dein glaub'n, und wegga dein aussehn in wegga dem weils'd onders gred' host, oder weil'st ondare bücher glesn host und nur weil's onders gonga bist auf der strass von irgend welche leit denunziert word'n bist -und de hob'n di' sofort eingsperrt. i hob gedacht des is besser 'wordn, mit der öffnung der grenzen in de ddr. i hob nit gwuss, dass der osten in den westen rüberkemma is!............... oans konn i eich glei sogn, i hätt wahnsinnig gern a guats va'hältnis zur polizei, weils'd anfoch weniger ärger host, wenns't a guats verhältnis mit der polizei host,va'stehst i hätt gern a guat's verhälnis...... i mechat gern amoi, egal wo i bin, ob's das jetzt do in ulm is' a polizeistreife in da stadt überholen, dann wink i ehanan rechts ausse und schrei hi'... host zeit auf an small talk, oida? und dann sagt er... logisch! va'stehst und dann erkundigt di, wie geht's da frau und de kinda? alles klar, pfiati, .. bis morgen..tschau !! nit dass'd zamzuckst, va'stehst, wenn si'oana hinter di einreiht ... hob i irgendwas dabei, was i auss'n fenster rausschmeiss'n muass, .. raucht der auspuff ? .. hob i falsch blinkt ? .. wo san meine aids-handschua'?? i mechat wirklich gern a guat's verhältnis hab'n .... zur polizei..........................

zwoa buam, aus an guat'n elternhaus,

zünd'n an penner oh

dann, schaltn's ehrnan ne walkman's ein,

ganz glücklich san's und froh

a mensch krümmt sich vor schmerz'n,

a mund geht auf und schreit

aber do drin'tn, foahrt de polizei, zum erst'n mol vorbei

jo do drin'tn, foahrt de polizei, zum erst'n mol vorbei

zwoa glatzköpf in da dunk'ln strass,

da albaner geht von der arbeit hoam

er g'freit sich jetz auf seine kinder,

sei frau macht ea'm bestimmt grod's ess'n warm

a putzkolonne verwischt alle spur'n,

er war zum schluss bloss no bluatiger brei

aber do drüb'n, foahrt de polizei, zum zwoat'n mal vorbei

jo do drüb'n, do foahrt de polizei, zum zwoat'n mal vorbei

am schulhof steht da brave onkel, der oi'wei was guat's hot'

und weil's nix über'd drog'n wiss'n, kaff'erns er'm ois ob

a vater find sein buam am scheisshaus, und koana war dabei

aber do drunt'n, jo do foahrt de polizei zum dritt'n mal vorbei

do drunt'n, foahrt de polizei zum dritt'n mal vorbei

a kloan's kind werd vergewaltigt, a olta mann fickt's langsam tot

a kameramann verdient an hauf'n geld

und seine weiss'n lackschuah san ganz rot

se schlacht'n ihr'ne eigenen kinder,

se gehn'gan neb'a uns, und alle sein frei

aber do drauss'n, foahrt de polizei, zum viert'n mal vorbei

jo, do drauss'n, do foahrt de polizei, zum viert'n mal vorbei

i steh in mingga drob'n vorm saturn-hansa,

mecht ma de neie "bob dylan platt'n"hoi'n

i steig aus, und i sperr'mei tür zua,

a paar minut'n, i bin eh glei wieder da

da packt mi irgendwer am arm, i drah mi um

und mit dreiss'g mark wor i dabei

es gab'at so vui wichtige soch'n zum moch'a,

aber an mir kemm'ans net vorbei

es gab'at so vui wichtiges zeig zum moch'a,

aber an mir kemm'ans net vorbei