Hans Söllner Die Ballade vom Koffer Lyrics

oh mann, do is heit' sche' worm herinn' geh, dabei hot's mi beim herfoahrn no a so g'froan geh. mir kannt'n do a session an der isar moch'n ,foahrn ma olle obe. jetzt kimmt a liad, do hob i ma überlegt, wia a des woi da reinhard may vorstell'n tat? hob's ihr vielleicht a handtuach,weil i mi, ...i siehg nix mehr, geh i hob mir amol überlegt, wia des da reinhard may d'nennan tat. da reinhard may is jo a preuß, und i bin zu dem entschluß kemman, er tat's vorstell'n unter dem t__el " die ballade vom koffer " und weil i do in bayern bin, und i bin a, a bayer, is für mi des liad vom schoaß, und i mecht eich jetzt anhond von a poor gonz kurz'n stroph'n erzähln, wo i schon überall an koffer einegstellt hob, und wo is nit bereut hob. i hob's a oft genug bereut, aber i sog ma oiwei, g'sundheit geht vor anstand. vielleicht derf i mi jetzt glei no amoi entschuldig'n, weil i merk, daß i, daß i wieder a bißl schneller gitarre spüi, als wia i sing, dos is gonz normal, i rauch zur zeit an "traunsteiner südhong", und der is, wia de traunsteiner selber, der kimmt erst a stund später und den hob i vor ungefähr oana stund g'raucht, und do is ma scho' passiert, doß i des liad fertig g'spüit hob und donn hob i singa ohgfongt, geh, also des werd heit nit passiern, weil i hob gonz wenig g'raucht heit, weil i ma denkt hob, heit muaßt nüchtern bleib'n. geh, (hehe)

i glab i woar domals, so an die dreizehn joahr alt
bin g'standen in da koit'n kircha'z reichahall
de bude wor gerammelt voll, mir hob'n grod firmung g'hobt
do hob i an koffer abg'stellt, mitten in den soi'
und alle um mi ummadum, san furchtbor rot woarn
weil jeder g'moarnt hot, dass der ondre moant, s'woar er
i hob vor költn in de kerz'n einebiss'n
und no oan loss'n, doss ma endlich wärmer werd.

i steh im prüfungssaal, berufschul' berchtesgaden
bin furchtbor aufg'regt und hob gonz vereschwitzte händ'
do frogt der prüfer vorn, so a olta bauernlaggl
ob i an nom' woas, vom ministerpräsident
jo, sog i, logisch und loss z'erst an gscheid'n ziagn
des moan i, is doch jetzt der herr franz josef strauss
i hob bis heit no nit erfoahrn, ob's richtig woar,
sie san vom fünt'n stock, zum fenster naus

z'letzt is ma a passiert, do hob i mi grod vorg'stellt
als lagerist beim fröschl, am marienplotz
i woar im chefbüroö, da hot da fröschl g'sogt zu mir,
a so wia sie ausschaug'n, werd des nix, des is doch kloa
i hob ea'm oh'glocht und oan loss'n, von dem tramt's bloss
do is a g'sprungan, da kloa fröschl, wia a frosch
und wenn's oan rennan sichts, der wo gonz grea im g'sicht is,
donn wisst's, des is vom lomp'n fröschl drinn, da boss

i war bestimmt nia so a sau woarn, wia i jetzt bin
oba des schoass'n, hob i von mein vodda g'lernt
is er am freitag, g'miatlich auf da coutch g'leg'n,
host von dem western, z'wegn sein furz'n nix mehr g'hert
der hund hot koffert, von in da fruah, bis spät am obend
und zwor so laut, des host im keller drun't noch g'hert
oba oans, hob i doch mein oit'n noch voraus
er is zwoar lauta, oba stinka tua i mehr