Ek al la vino nun, mia amiko
Levu la glason, eksonu muziko
Se vere la dioj amas al h___
Ni helpu al ili per tosto-propono
Aja! Nun gaja
Aja! Nun gaja
Versu memore al ne-ĉeestantoj
El nobla vino kaj el novaj kantoj

Donu al mi unu lokon, kara
Ĉe via dekstra genuo
Dronu forgese la tempo amara
En duopa drinko, duobla ĝuo
Ĉe via dekstra genuo

Ek al la ino nun, mia amiko
Glaso fragila pro ŝia maldiko
Glata kaj frida, interne brulante
Kisita de multaj, sed pura konstante
Aja! Nun gaja
Spite al fundo fendita, rompebla
Vivu Vitr-ino eterne malfebla

Ek al la kanto nun, mia amiko
Jam pli fortikas nia fortiko
Vino kaj ino kaj kanto kondensas
Ĉu la forestuloj tutsame potencas?
Aja! Nun gaja
Mia statuo surtombe perfekta
Montru almenaŭ min tie erekta

Donu al mi unu lokon, kara
Ĉe via dekstra genuo
Dronu forgese la tempo amara
En duopa drinko, duobla ĝuo
Ĉe via dekstra genuo

See also:
JustSomeLyrics
99
99.86
Grupo Play Vengo de la casa de ella Lyrics
Barbra Streisand with Johnny Mathis I Have One Hand, One Heart Lyrics