Hans Söllner Edeltraud Lyrics

a liebeslied für a oide freindin von mir, aus dem ort piding. piding, is a'vorort von bad reichenhall, ein luftkurort, warum, woaß i a ned. woascheinlich, weil ma in piding de luft siehg't.

endlich hob'n s'es g'schnollt, koana mehr, der sauft
beim henger'mann in piding, hob'ns gang'schua verkauft
kane reif'n mehr, wos pfeiff'a, koane b'soff'nan vor der tür
sitz'n gonz brav, auf der hausbank
oder geng'a spaziern, sie red'n miteinander
koaner mehr, der lallt, sie schlaff'n miteinander
s'werd koane mehr k'nallt
und koana, der den andern in sei bläde freibier-letsch'n haut
in piding, hob'ns zum ersten mal, marijuhana g'raucht

edeltraud, oh edeltraud, he
du hosst ein sau'guat's gras o'baud
edeltraud, oh edeltraud, oh mann
du warst de'g'rechte braut

wann der bagger hebt de'gruab'n aus
spuiplätz, werd'n 'baut
auf der strass, flaggerns ummanond,
weil koan'a mehr mit'n auto foahrt
marijuhana am balkon, marijuhana vor da dia
oh mann, do gibt's nur an preis und a jury, de ois probiert
und wer des absolut beste gros o'baud hod
der kriagt noch 4000,-mark zuschuss, vo da stadt
sogoa'der bua von mein'nachbarn, hot neilich amoi'g'lacht
weil sei vadder'n nimmer sauft,
und weil er ihn seitdem nimmer schlogt, jo

edeltraud, oh edeltraud,
du hosst ein sau'guat's gras o'baud
he, edeltraud, oh edeltraud, oh mann
du warst de'g'rechte braut, für mi'
jo edeltraud, du warst de'g'rechte braut

a polizist, setzt sich zua'ba und stell dir vor, der red'mit dir
hot a sauguat's gros dabei und frogt, mogst a bissl wos probier'n
und er verzählt da,
letzte nacht, do hob'n ma an drog'n dealer g'schnappt
fufzehn kilo kokain, hot der g'habt
mountain bike, is in, do brauchst koan führerschein
wenn die kinder vor'm haus spuin
koane nachbarn mehr, de schrei'n
ganz piding is breit, olle san guat drauf
und beim erntedankfest, i sog's eich glei
do singt des ganze dorf, ja

edeltraud, oh edeltraud,
du hosst ein sau'guat's gras o'baud
he, edeltraud, oh edeltraud, oh mann
du warst de'g'rechte braut, für mi'
jo edeltraud, du warst de'g'rechte braut