Acryl op Leinwand, en nem Kofferraum Bloot,
ahn ener Ampel hees et, Elvis wöhr duut.
Zwei, drei Akkorde, en besetzte Fabrik, bleierne Zigg.
Die letzte Rund un morje spill'mer enn Bonn,
noch eimohl Hurricane, eh dat mer jonn.
Su möht mer klinge, hühr dir dat ahn,
dä Wahnsinn, dä Mann !

Ne Eifelbahnhoff un ne eijene Truck,
die Stones enn Müngersdorf un russ uss dä Stadt.
Kein Sau versteht jet, verstehste dat, Jung ?
Ich och nit, na un ? Busse un Limousine, Bühne,
Hotels un jottweiswer, der dir jottweiswat verzällt.
Die Stross ess endlos un jeht övverall lang, jottseidank.

Dreimohl zehn Johre, wo sinn die all hin?
Met Engel jefloche, jeje de Wind.
Dreimohl zehn Johre, alles riskiert,
jewonne, verloore, dozojeliehrt.

En China jerock un Nicaragua,
koot enn de Höll jeluhrt enn Afrika,
me'm Boss jespillt, sujar ne Film jedrieht. Dä blieht.
E Glas op die vun uns, die et hinger sich hann,
mer sinn uns widder, irjendwo, irjendwann,
wat allerdinx noch paar Daach duhre kann, bess dann !

See also:
JustSomeLyrics
10
10.122
Guus Meeuwis Mooier dan ik dacht Lyrics
Hammerfall The Champion Lyrics